小米紅米 Redmi Note 12 Pro+ 5G 開箱評測！CP 值高但無好手感
芒好過機身
配備 6.67 吋 Flow AMOLED 芒 重達 210.5g LogoRedmi Logo 設置在背蓋左下角，設計有畫龍點睛效果 支援指紋辨識的電源鍵以及長條狀設計的音量鍵 紅外線收發器、降噪麥克風 、雙立體聲揚聲器出聲隆 採用 USB-C 支援雙卡隻待
為咗迎合唔同消費者嘅喜好，小米旗下副牌 Redmi 紅米，搞咗一部又平價又係「頂級旗艦」機種」 Redmi Note 12 Pro+ 5G 。呢部手機是「紅米」首度使用 6.67 吋 Flow AMOLED 以及 ALD 防眩光塗層，仲用埋 聯發科天璣 1080 處理器、2 億像素 OIS 主鏡頭、120W HyperCharge 狂野快充、LiquidCool 水冷技術…等等嘅硬件，不論好紅米定小米，都係好「小米」風格，即係劉華出場：「繼續吹」。吹還吹，係咪真係咁有料？Redmi Note 12 Pro+ 5G 配咗 6.67 吋 Flow AMOLED 打隆芒，特別要提嘅係，Redmi Note 12 Pro+ 5G 嘅螢幕設計平滑，最大嘅好處就係完全唔挑保護貼，令到習慣俾手機貼各種玻璃貼嘅朋友，完全唔洗擔心自己買嘅保護貼會唔會貼唔住。今次我哋測試嘅顏色係午夜黑色，小米紅米 Redmi Note 12 Pro+ 5G 另外仲有極地白同天空藍兩款色彩選擇。根據官方講法，呢部手機嘅機身用嘅就係 CMF 工藝打造出嚟嘅新材料，而個背蓋就用咗拋光玻璃製成，但係機身材質嚟講，我感覺唔到佢嘅質感。雖然官方講背蓋係用拋光玻璃做嘅，但如果唔係官方特別強調，無論係用肉眼睇定係用手去摸，都會誤認為係塑膠材質，尤其係黑色更加明顯，呢點我覺得真係有啲可惜。
中等硬件
咁平嘅價錢影像效果算係咁
小結
硬件規格方面，小米紅米 Redmi Note 12 Pro+ 5G 配備 聯發科天璣 1080 處理器、8GB RAM (LPDDR4X) + 256GB ROM (UFS2.2)、5,000mAh 超大容量電池，同埋支援 120W HyperCharge 快充技術、LiquidCool 水冷技術，而操作界面就用嘅係基於 Android 13 開發嘅 MIUI 14 用戶界面。呢個規格，喺安兔兔跑分為 447839，喺安兔兔中國跑分排行榜 (只計中國內手機）在 124 位置上排 117，手機效能不能用極好嚟形容，但係今日手機效能髙盛的今日，呢個成績，已足夠應付大部分嘅使用需求。對於鍾意影相嘅朋友嚟講，呢部機真係唔錯。小米紅米 Redmi Note 12 Pro+ 5G 配咗 2 億像素 OIS 主鏡頭主鏡頭 (f/1.65 光圈、OIS 光學防手震、1/1.4 吋感光元件) + 800 萬像素超廣角鏡頭 (f/2.2 光圈、119° 超廣角) + 200 萬像素微距鏡頭 (f/2.4 光圈) 嘅三鏡頭主相機，再加上一個 LED 補光燈。不過，一向都話，像素大，不代表影得好，而 Samsung Galaxy S23 Ultra 都係用上三星二億萬像鏡頭，但以規格嚟，紅米 Note 12 Pro+ 的確用上比 S23 Ultra 差一級嘅鏡頭，一分錢，一分貨麻。不過，呢部機都有人像、夜景、專業、微距、全景、超高畫質、長曝光等等拍照模式，再加上用上乜嘢「小米影像大腦」、「Xiaomi ProCut 智能構圖」呢啲整色整水嘅嘢，令到用呢部機影相，真係玩得開心嘅。影相質量方面，我覺得 Redmi Note 12 Pro+ 5G 影相表現對得起呢個價錢！無論係照片嘅色彩、銳利度、白平衡，甚至係夜拍嘅噪點控制、高光控制、細節保留同天空嘅純淨度等等，都做得好好。但係，喺夜間影相嘅時候，我發現相機會有演算法計算時間過長嘅問題，可能係處理器效能或者夜間需要計算嘅資訊太多導致嘅。▲主鏡頭實拍。▲超廣角鏡頭實拍。總結嚟講，三千有找嘅 Redmi Note 12 Pro+ 5G，各方面嘅表現都好唔錯！除咗配咗一個有 ALD 防眩光塗層嘅 6.67 吋 Flow AMOLED 挖孔平面螢幕、天璣 1080 處理器同支援 Dolby Atmos 嘅雙立體聲揚聲器之外，佢仲有 2 億像素三鏡頭主相機、Xiaomi ProCut 智慧構圖、5,000mAh 大容量電池同 120W HyperCharge 極速快充等等功能，CP 值真係高到破表，俾預算有限、唔一定要買旗艦機嘅朋友一個唔錯嘅選擇。不過，CP 值咁高嘅 Redmi Note 12 Pro+ 5G，都有啲小問題，就係機身都係比較「廉價感」。高 CP 值，無咗貴格就肯定架啦，平就係平，邊有得扮架！▲ 開箱圖：跟機送 120W 充電器 (香港版會包英式三腳頭)。都係老問題，呢啲超級快充，無副廠配件，要買過一個都好麻煩。小米紅米 Redmi Note 12 Pro+ 5G 係文章刊登時，售價為 $2,999， 按這裡有更詳細規格及最新賣價
Source: ePrice.HK
