外媒大爆 WWDC 2023 講稿！iOS 17 在內五大重點 全曝光？
爆料網站大公開
WWDC 2023 五大重點大公開
001: iOS 17 和 iPadOS 17
002: 新 Macbook Air 及 MacOS 14
003: WatchOS 10
004: XR Reality 混合現實頭盔
005: One More Thing
ChatGPT 告訴真相
記得有一年，一個外媒喺酒吧攞咗一部蘋果職員留低未發表嘅 iPhone，並大示報導，結果換來 Apple 永久杯葛呢間媒體。去到 2023 年，事件又發生？又有外媒聲稱喺 WWDC 2023 Keynote 之前，即係 Tim Cook 仲未講 Good Morning，未公佈任何嘢之前，已得到講稿，仲大爆 WWDC 2023 蘋果有乜新嘢！五大重點曝晒光，有乜勁嘢？講 Apple 勁嘢之前，要講講呢份爆料。來自 Macworld 呢個網站，作者話自已得到一份 WWDC 2023 Keynote 演講嘅 Script，最誇張係，好似 YouTube 嘅字幕檔咁，係有晒時間標記，即係Tim Cook 講完 Good Morning，再大讚 Apple 有幾醒，會用咗幾多時間，之後再講 iOS 17 又會講幾長。而呢份爆料嘅精細度十分高，Mark 低晒 WWDC 出嚟講嘢嘅 Apple 人係姓名。總之，成份爆料，感覺就好似作者預先睇咗成個 Keynote 嘅錄影咁樣。▲ 連開場前，播乜嘢歌都知道，呢位爆料人，真係好本事咁喎。當然，最重要嘅係，佢地爆咗啲乜嘢料！唔好講笑，成個 Keynote Speech 原來一如傳聞講，係講足三粒鐘！正所謂 TLDR，太長理解唔切，版主當然出動 ChatGPT 幫我把成個 WWDC 2013 嘅內容，摘要出嚟！重點如下：首先，當然由 Tim Cook 打頭陣，介紹 WWDC 2023，並討論 App Store 成就，包括去年阻止了超過 20 億美元的欺詐交易，小型開發者的收入增長了64%。之後仲有五大項目蘋果員工 Craig Federigi 討論iPhone 和 iOS 的新功能。其中包括 iOS 17 與 IPadOS 17，更多鎖屏定制選項、新哴山字體選項，以及與其他用戶共享鎖屏設置嘅功能。此外，鎖屏 Lock Screen 將能夠作為一種智能顯示器使用，當 iPhone 鎖定並橫放時，它將切換到另一種界面和一套顯示重要數據的小部件。Apple 會推出一款 15 英寸的 MacBook Air，重量僅為 3 磅，厚度僅為 12 毫米。它配備了 15.2英寸的屏幕，解析度為 2880 x 1800。此外，它還配備了 M2 芯片，並且擁有最長的電池續航時間。另一位蘋果員工 Kevin Lynch 介紹 WatchOS 10。其中包括對 Grid View的重新設計，以及應用文件夾和小部件的新功能。此外，Apple Watch 現在可以與多個 Apple 設備同步，包括Mac、iPad 以及 iPhone。重中之重！Tim Cook 再出場，講講 Apple 以往風光過去，以及回顧 Apple 多年來成就和產品。嚟料！Tim Cook 介紹 Apple 的 XR Realtiy 混合現實頭盔，名為「Reality Pro」！呢款頭盔將在今年秋季發售，售價為美金 $2,899 或者 歐元 £2,999，即係港幣二萬八千九十蚊左右！最後，Apple 會推出新款 Mac Pro，配備全新的 M2 Ultra 芯片，具有 24個 CPU 核心和 76 個圖形核心。RAM最高可達1 92GB。此外，還有一個升級選項，可以獲得 M2 Extreme 芯片，該芯片具有 48 個 CPU 核心和152 個圖形核心。新款Mac Pro將在2023年秋季發售，起價為美金$5,999或歐元 £6,299，即係港紙四萬六千七百蚊。嘩！呢個網站嘅作者，又係呢埋係Tim Cook 床下底，靜靜雞開咗佢部電腦，偷晒佢同埋其他 Apple 同事嘅 WWDC 2023 講稿？定係坐左係 Tim Cook 後面，睇咗預錄嘅 Keynote Speech，仲順手偷埋個 Copy?咪住咪住，今年 WWDC 2023 唔係過去幾年咁預錄架喎，Pandemic 早已完結，今年都有香港媒體去睇 Live，扮嘢 + 打卡 Apple 總部，現場潮聖 Tim Cook 喎。最後，我再問 ChatGPT ，原來答案係咁嘅！▲ 版主用上 ChatGPT Plus 課金版本，最新嘅 Plugin 功能，揀了 WebPilot ，令 ChatGPT 加了上網搵料及分析嘅能力。經過 ChatGPT 對呢篇文章嘅文字理解，都肯定呢篇文言之鑿鑿，實際上，佢都寫明係「戲仿」。可惜有部份華文網站，當晒係真料咁寫，無寫明係「戲仿」，就認真係誤導讀者！呢個原來係 MacWorld 網站，根據之前嘅傳聞或者爆料，創作嘅戲仿文章！不過咁，若果有幸係 WWDC 2023 Keynote 演講之前睇到呢篇文，可以講係一篇預測文嚟，有幾多會準? 完事之後，下面貼返真實發佈分享嘅連結，所以大家記得 Bookmark 定呢篇文，再 Click 入嚟留意啦！原文： Macworld
Source: ePrice.HK
