亞視台慶丨68歲柳影虹風韻猶存賀「娘家」生日 拍劇被踢歪盆骨搞到生不如死
亞視免費電視牌照在2016年4月2日凌晨屆滿，正式告別大氣電波，其後亞視因有協盛協豐收購得以重生，以OTT平台網絡電視方式營運。雖然運作已經不如以前，不過在新管理層徐子明的領導下，昨晚在總台舉行《亞洲電視66周年台慶》，68歲前亞視藝人柳影虹亦有份出席， 與1980年拍《浮生六劫》的樣貌相比，除了服飾有差別外，外貌分別不大，依然風韻猶存！
【點擊睇柳影虹最新近況】：
柳影虹在台上一口氣唱了《少女慈禧》和《換到千般恨》兩首經典歌後，她語帶興奮地說：「呢度係我外家嚟，今日係小明哥召集我返嚟，我喺呢度出身，希望製作多啲唱歌嘅節目，等我哋屬於亞視嘅歌星有飯開！」人稱「柳姐」的柳影虹，在1977年加入麗的電視，與洪國華、萬梓良、林國雄、劉香萍和馬敏兒等人同屬訓練班同學，首次拍《三少爺的劍》已經是女一。
到了1986年轉投TVB，本來事業發展理想，但9年後突然退出娛樂圈，原來為了照顧患上癌症的父親，以及要花更多時間休息和陪伴母親，直到2006年，柳影虹重返亞視，她曾在訪問上表示自己不會後悔︰「我唔後悔，獎牌遠遠不及家人幸福重要，我嘅最高榮譽已經喺家中！」
經歷兩段婚姻 女兒未見過生父
提到家庭，柳影虹本身有兩段婚姻，在18歲遇上首任丈夫，因對方不務正業，一年後離婚成為了單親媽媽：「我將佢所有相撕爛，個女從來冇見過生父嘅樣，呢個係我人生遺憾。我承認自私，唔想個女掛住爸爸，分薄咗佢對後父嘅感情。」到了30歲時候，柳影虹認識了任職警察的周富祥，她坦言：「佢同第一個丈夫好大反差，感覺似醫生、律師、銀行家，好有修養，我怕唔嫁畀佢會後悔，除非李嘉誠追我！」
事實上老公一向對她照顧有加，柳影虹當年參演電影《霓虹姊妹花》時，被梁藝齡不慎踢歪盆骨，椎間盤突出，被迫停工，老公試過為她清理大、小二便同沖涼，她曾在訪問上說：「最嚴重係瞓床年幾，連企都企唔穩，骨科權威話要做手術，但係有5成機會癱，條腰痛到被火燒咁，生不如死，日日嗌跳樓，老公怕我自尋短見，所有窗都鎖晒。」不過看到老公不離不棄的照顧，她直言：「即使佢做乞兒，我都會跟住佢！」
【其他閱讀】：
霍啟剛帶隊爬樹摘荔枝獲讚零架子 60歲鄺美雲貴氣同行白雪雪Fit到漏
李靚蕾開節目自爆離婚官司勝訴 王力宏127字反駁赴泰開騷狀態曝光
亞視台慶丨61歲陳庭威激罕現身 零濾鏡下狀態極好 三字形容感情狀態
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
