買三星 S23 Ultra 送平板！同你格價 話你知唔要平板邊度買有減價
快閃買手機送平板
唔要平板，買淨機可以考慮豐澤網店
父親節限時再送無線充電板 + 掛頸式降溫器
近呢幾年，其實好明顯可以見到，手機市場少咗好多品牌，尤其是喺香港，少咗 LG、HTC，其實都幾可惜，而華為又衰在無 5G 無 Google，會入手嘅多數係真 Fans。所以，今時今日大部分人買手機，多數都係買三星或者 Apple 為主，原本中意華為嘅，就可能轉投 Honor 懷抱。難怪，三星旗艦手機 Galaxy S23 系列企咁硬，大舖減價速度慢咗好多。不過，最近三星自己宣佈推出快閃優惠，買手機送平板！等你一個價錢，有雙重享受，係咪抵玩？睇下文啦！三星宣佈推出 Galaxy S23 Ultra 旗艦手機快閃優惠，即日起至 2023 年 6 月 25 日，只要在三星網上商店、三星專門店、特約零售商或經銷商購買全新原廠 Galaxy S23 Ultra ( 按呢度有詳細規格及最新賣價 )，就可以獲贈 Galaxy Tab A7 Lite (WiFi) 平板電腦一部 ( 按呢度有詳細規格及最新賣價 )，建議零售價為 $1288，等用家可以喺手機同平板電腦之間無縫連接。咁抵唔抵玩？我覺得好睇你係咪好想要埋部平板。始終你無論去到三星網店，定係出面大舖，其實 Galaxy S23 Ultra 都係無減價的，256GB 版本賣緊建議零售價嘅 $9698，而 512GB 版本則賣 $10698，不過今次送部 Galaxy A7 Lite 平板電腦，大舖價一樣無減，抵消返叫做平咗 $1288。但如果你話，唔係喎，你其實對部平板無興趣，你就可以考慮去豐澤網店買，最近做緊「超級品牌週」，將一系列三星產品減價，就以 256GB 版本 Galaxy S23 Ultra 為例，就由建議零售價 $9698 減至 $8728，減咗 $970；而 512GB 版本由 $10698 減至 $9628，減幅為 $1070，但就唔會再送 Galaxy A7 Lite 平板電腦，同埋呢個優惠價，門市係無㗎！不過，無論你係邊買，即日起至 2023 年 6 月 30 日，都會額外送代理贈品，包括有 ITFIT 三合一多功能無線充電板，以及 ITFIT 掛頸式降溫器。三星 Galaxy S23 Ultra 在文章發表時，大舖賣價 $9698 起， 按這裡有詳細規格及最新賣價 三星 Galaxy A7 Lite 在文章發表時，大舖賣價為 $1288， 按這裡有詳細規格及最新賣價
Source: ePrice.HK
