攝力大公開! 1 吋 CMOS + 四個五千萬鏡頭 小米 13 Ultra 開箱評測
小米 13 Ultra 攝影規格好橫強
開箱 香港版會用三腳充電器 跟機有送高速充電器
開箱睇外觀
74.6mm 闊度 今次借得黑色機身 沒有 3.5mm 耳機孔 機底 USB-C 接口位 9.1mm 機身厚度，但鏡頭明顯突出 1 吋 CMOS 加持，鏡唔大唔得 曲芒設計 microSD 支援雙卡雙待，但不支援 microSD 記億卡
專屬的保護殼，套上去之後整體質感佮到好處 專屬的保護殼，套上去之後整體質感佮到好處 專屬的保護殼，套上去之後整體質感佮到好處
相機體驗同實拍
F1.9 光圈 F4.0 光圈
0.5X 1X 2X 3.2X 5X 10X 30X 60X 120X
講到影相很厲害，鏡頭多仲要遠攝，近拍都應付得到嘅 Android 手機機，你會想起邊一部呢？可能好多人會講 Samsung 嘅 Ultra 系列機種。最近小米講到自己影相好勁！小米 13 Pro 一部都未夠，仲有部 13 Ultra，你未必分得到 Pro 同 Ultra 差一個英文字嘅分別，但實測過後，佢嘅攝力係勁嘅。今次分享比大家睇！版主用開嘅 Samsung Galaxy S23 Ultra，佢主鏡頭有四個鏡頭，而且相片質素都好出色，市場評價都係好好嘅。不過講到鏡頭「焦段」嘅齊全，小米 13 Ultra 絕對係一部你唔可以忽略嘅相機功能超強悍嘅新機。佢亦都有四個鏡頭主相機，焦段包含 12-120mm，除咗主相機之外，全部鏡頭都採用比 S23 Ultra 更大尺寸嘅感光元件，四個鏡頭都係 5000 萬高像素，而且，其中四個，仲可以錄影 8K 質素！聽起嚟真係好厲害嘅喎。喺外觀設計上，小米 13 Ultra 算係比較延續上一代嘅 12S Ultra 嘅大圓框相機風格，不過整體精緻度更高，一個主要原因係採用素皮材質，令佢更有相機嘅感覺，而且手感同其他手機唔同，特別係巧妙嘅透過分層堆疊嘅方式，握起嚟感覺無咁厚。不過實際上一呢部手機嘅尺寸係 163.2 x 74.6 x 9.1mm，重量都有 227g，雖然比起 iPhone 14 Pro Max 嚟講相對輕巧，但絕對唔可以話係輕薄嘅機種。畢竟，一吋感光元件尺寸，加埋四個鏡頭模組，注定小米 13 Ultra 係要有份量嘅！呢次試嘅係黑色款式，黑色素皮配相機區域嘅一圈金色裝飾，睇起嚟好低調有貴氣，但我個人其實更期待白色款，嗰種高調但典雅嘅質感，亦都好適合用嚟 Show Off 之用。接下嚟我哋就嚟緊重頭戲，就係小米 13 Ultra 嘅相機評測。小米 13 Ultra 嘅主相機包括 12mm 超廣角鏡頭、23mm 主鏡頭、75mm 望遠鏡頭同埋 120mm 望遠鏡頭，其中 23mm 主鏡頭，就係採用 Sony IMX989 一英吋感光元件，其他三個鏡頭都係 1/2.51 吋嘅 IMX858，主相機 + 其他鏡頭都係 5000萬像素，而且感光元件尺寸睇起嚟都比 S23 Ultra 嘅配置更大。實拍效果真係冇令我哋失望，小米 13 Ultra 喺各種場景下嘅攝影都好出色可靠，不論係好暗嘅場景、遠攝，甚至係相對較昏暗嘅遠攝都能夠勝任，對焦反應迅速同準確，更唔使講基本嘅超廣角同人像表現。最特別嘅係，有啲旗艦手機甚至都唔支援主相機 8K 錄影，但小米 13 Ultra 主相機唔止支援8K錄影，而且從超廣角到五倍望遠嘅四個鏡頭都支援，呢個真係好少見嘅強悍配置。
▲光線充足處 0.5X、1X、2X、3.2X、5X、10X、30X、60X、120X 各焦段拍攝實拍成像。
0.5X 1X 2X 3.2X 5X 10X 30X 60X 120X
性能同電池
之前 之後
小米 13 Ultra 嘅處理器採用而家頂尖嘅高通 S8 Gen 2，性能表現絕對無庸置疑，即使係對性能要求高嘅 3D遊戲亦都輕鬆應對，更唔洗講平常嘅操作或者相機應用。而且，大家唔單止唔使擔心性能問題，呢部手機測試期間都幾乎冇出現嚴重發熱嘅問題，睇嚟台積電嘅製程處理器確實更加可靠，大家可以暫時放下對於 S888 同 S8 Gen 1 發熱嘅恐懼。至於續航表現方面，我哋透過連續播放高畫質嘅YouTube串流影音嚟測試。我哋用 Wi-Fi 連網嘅方式，將手機關閉自動亮度，同時將螢幕亮度同喇叭音量調整到 50%，螢幕解析度開啟 3200x1440，關閉 AI 畫質功能，同時將螢幕更新率調整為標準。連續播放一個鐘嘅 YouTube 1080p 解析度影片後，電量由 50% 下降到 42%，下降咗 8 個百分比。經過換算喺滿電嘅情況下，呢部手機可以連續播放 12.5 個鐘嘅串流影片，續航表現唔算特別出色，不過要考慮到呢部手機嘅螢幕解像度同預設亮度都好高，所以都唔算差。
影音體驗
總結：滿足多種需求
至於影音功能方面嘅體驗，小米 13 Ultra 嘅表現同樣令人滿意，3200 x 1440 解像度嘅 6.73吋 LTPO AMOLED 螢幕，帶嚟最高 120Hz 嘅螢幕更新率、2600nit 峰值亮度、HDR 顯示，而且亦都支援 Dolby Vision，可以話規格同實際表現都好頂級嘅螢幕，畫質表現好細緻，用嚟睇影片效果好出色，喺戶外高亮度嘅情況下使用亦完全唔洗擔心閱讀性嘅問題。至於小米手機嘅喇叭效果通常都唔會令人失望，呢次嘅小米 13 Ultra 搭載獨立嘅立體聲雙喇叭，唔同於一般聽筒同喇叭合而為一嘅設計，小米表示頂部喇叭同聽筒係分開嘅，可以減少通話時嘅音漏情況。至於雙喇叭嘅實際音質同音量表現都好出色，絕對係頂級機種嘅一流水平，加埋支援 Dolby Atmos，用嚟聽音樂或者睇影片嘅立體聲效果都好好。嚴格嚟講，小米 13 Ultra 真係係一部冇咩大缺點嘅旗艦手機，包括強大嘅規格、好睇嘅外型設計、全面嘅相機功能，無線充電、快速充電、防水防塵，呢啲一般人想要或需要嘅功能都滿足到。雖然同市面上其他競爭對手比較，未必有絕對壓倒性嘅勝利，但實際使用之下，都係一部各方面都齊全嘅旗艦代表。
評測改編自 ePrice.com.tw
小米 13 Ultra 在文章刊登時，賣價為 $8999， 按這裡有更詳細規格及最新賣價
Source: ePrice.HK
