入門價錢，中階規格！最平 $1000 有找 6 系 U + 5000mAh 大電三鏡頭手機
$999 入門價錢，中階規格
華為 nova Y90 硬件規格
華為 nova 9 SE 硬件規格
版主好記得，以前我成日都會行大舖，睇下大舖手機有乜減價，再同大家分享。但唔知幾時開始，忘了係咪疫情開始，好多時手機嘅優惠，都移師到網上，網店有減，但大舖又未必有減，就算大舖有減，都可能追唔上網店優惠，同埋有啲大舖可能落咗架，但網店仲清緊貨，所以最後我減少咗行大舖嘅頻率，因為講着數，網店更多。最近留意到有網絡商將一些中階手機清貨減價，用入門價錢，可以買到中階規格，$1000 都唔使有 6 系 U + 五千大電三鏡手機！睇下文啦！說的是 csl 網店，將兩部用上 Qualcomm Snapdragon 680 處理器嘅中階手機減價清貨，其中包括有華為 nova Y90 以及華為 nova 9 SE，前者由建議零售價 $1988 減至 $999，即半價就買得到，而後者則由建議零售價 $2788 減至 $1288，計起上嚟即係有 46 折！呢兩部手機用上全球第三大手機作業系統，雖然無 Google 會比較麻煩，不過其實坊間已經有方法，用華為 Lighthouse 可以裝到 GMS，而睇過呢兩部手機都係支援機型之內，有興趣可以嘗試一下，但就算無 Google，佢都係一部可以當後備機嘅手機，你又點睇呢？華為 nova Y90 採用了 6.7 吋 HUAWEI FullView 全面屏，機背相機位置用上「星環」設計，配備 Qualcomm Snapdragon 680 處理器，內置 8GB RAM 以及 128GB ROM，電池容量為 5000mAh，支持 40W 快速充電，30 分鐘可將電量充至 50%。相機部分，nova Y90 配備了 50MP 廣角 + 2MP 景深 + 2MP 微距三鏡頭，前置鏡頭則為 8MP。華為 nova Y90 在文章發表時，大舖賣價為 $1988， 按這裡或按下圖有詳細規格及最新賣價 華為 nova 9 SE 採用了 6.78 吋 LCD 屏幕，解像度為 2388 x 1080，同樣配備 Qualcomm Snapdragon 680 處理器，內置 8GB RAM 以及 128GB ROM，電池容量為 4000mAh，支持 66W 快速充電。相機部分，nova 9 SE 用上 108MP 廣角 + 8MP 超廣角 + 8MP 微距 + 8MP 景深四鏡頭組合，前置鏡頭則為 16MP。華為 nova 9 SE 在文章發表時，大舖已下市， 按這裡或按下圖有詳細規格及最新賣價
Source: ePrice.HK
