對付詐騙電話新招？全部轉用 WhatsApp Call 係乜玩法！
溫故知新
即日升級
好多人都話，就算香港嘅電話卡要實名，但日日收到不知名嘅來電，廣告又好，詐騙都好，都係用四個字嚟形容「多不勝數」！WhatsApp 提供一個，我認為可行但屬於「斬腳趾避沙蟲」嘅方法，就係叫晒你嘅親朋戚，用 WhatsApp 打俾你。唔熟嘅人用 WhatsApp 打比你點算？WhatsApp 今日有方法！WhatsApp 再度升級，即日多咗一個全新功能：將唔識嘅來電設定成靜音，同埋一個私隱設定檢查工具。WhatsApp 除咗有端對端加密功能，令到大家可以安心咁同人傾計、傳訊息外，依家仲推出咗一個更加保護私隱嘅「對話鎖定」功能，需要密碼先可以打開敏感嘅對話，仲有自動刪除訊息、閱後即刪嘅螢幕截圖封鎖功能。今次 WhatsApp 新增咗嘅兩項功能，就係可以將唔識嘅來電設定成靜音，同埋私隱設定檢查。咁大家嘅手機就唔會再有垃圾訊息、詐騙訊息或者唔識嘅人嘅來電打擾，保護自己嘅私隱，同時亦可以了解邊個可能係重要嘅來電人。除咗呢兩項新功能，WhatsApp 仲即將推出咗一個私隱設定檢查工具，教大家點樣喺 WhatsApp 上自保。呢個功能就好似導遊，帶領大家一步一步咁去設定最適合自己嘅防護措施。
Source: ePrice.HK
