Google Pixel 手機愈賣愈平！Pixel 7a 有新低價，6a 賣價跌到落二千頭
Google Pixel 7a、6a 齊減價
比較 Google Pixel 7a、Pixel 6a 的硬件規格
早前嘅 Google I/O 大會上，Google 發表咗一部中階定位嘅手機，Pixel 7a，唔單止具有強大嘅自家研發處理器，而且還有出色的相機系統以及防塵防水的功能，如果你想搵一款價錢抵玩、有 Google 親生仔光環同埋功能強大嘅手機，但又唔介意香港用唔到 5G 嘅話，Pixel 7a 相信會係一個唔錯嘅選擇。最近留意到呢部 Pixel 7a 減咗唔少價，而且舊代嘅 Pixel 6a，亦都跌到落二千頭！想知詳情，睇下文啦！隨住 Google Pixel 7a 推出已有一段時間，留意到香港嘅水貨舖已經開始將呢部手機減價，記得 呢部手機水貨剛抵港時，第一水賣價叫價 $3580 已經平過台灣官方價 ，而且我哋 都有做過開箱評測，覺得呢部手機唔差 ，估唔到推出一個月，已經再有新低價，根據一間專賣水貨、但又知名嘅網店報價，Pixel 7a 現時最新水貨賣價為 $3130，相比上個月剛到港時平咗 $450。呢個價錢買到最新嘅親生仔，其實我個人覺得幾吸引，唔知大家又點睇呢？最新嘅 Pixel 7a 有減價，咁舊版無理由唔減。留意到 Pixel 6a 現時最新水貨賣價為 $2190，亦都比之前嘅 $23XX 平多咗一二百蚊，雖然減幅唔算多，但呢個價都叫做抵玩。二千頭有 Google 親生仔喎，就算無 5G 支持，但都 OK 啦！報價查詢： eTopia
Source: ePrice.HK
