SONY 手機不會死！即日宣佈跟呢間公司繼續合作
跟高通繼續合作：以年計算
相信 Qualcomm
大家都想知 SONY 手機會唔會跟 LG 同 HTC 嘅腳步，唔再出手機？ 最近 SONY 出咗幾款幾有賣點嘅手機，例如 Xperia 1 V 及 Xperia 10 V ，唔知大家睇咗我哋介紹，係失望定覺得都仲有希望。呢家日本電子巨頭，會唔會想割肉止損，退出手機業務，定係續續向前進？呢單合作嘅消息，應該讓你知道大概嘅。▲ From Dominik Tomaszewski / Foundry of techadvisor喂喂！我可以咁大大聲咁講，SONY 係一定會繼續造 Android 智能手機嘅，唔止一兩年咁簡單。點解？因為呢單消息：芯片製造商 Qualcomm 宣布，佢哋已經同 SONY 續咗約，繼續提供流動平台，包括手機使用嘅 Snapdragon 解決方案及芯片，俾呢間日本公司嘅未來智能手機使用。根據資，佢哋唔用「多年」去形容今次嘅合作，仲講明涉及到高端、中高端同埋中階嘅設備，可見，未來 SONY 都一定會出手機，同埋都會採用似乎玩家們都比較信任嘅 Qualcomm 芯片。另外，今次嘅公告，無提到「低階」手機。似乎大家唔會見到 SONY 會推出入門手機，我哋可以估到佢唔會嘗試打入呢個競爭激烈嘅市場。SONY 手機部門嘅負責人濱口係咁講：「SONY 最新旗艦智能手機Xperia 1 V，用緊 Snapdragon 8 Gen 2移動平台，受到咗客戶嘅高度評價。我哋期待繼續同 Qualcomm合作，喺未來用 Snapdragon處 理器嘅智能手機上，提供優質同令人著迷嘅體驗。我哋始終喺聽客戶嘅意見，開發出嘅尖端科技，都會超越佢哋嘅期望，我哋相信 Qualcomm 嘅技術將幫助我哋推動行業發展。」SONY 唔單止唔打算退出，反而還有再進一步嘅打算，希望以 Qualcomm 嘅支持，令手機繼續改進，以迎合市場嘅需求。所以我哋可以期待到，未來嘅 SONY 手機，肯定會有更多新嘅特點同功能出現。期待！期待！來源： GSMarena
Source: ePrice.HK
