坐飛機用 Apple Vision Pro 有專用旅行模式，仲有好多限制
Apple Vision Pro 有啲人試過，但無真人戴上去嘅相，我哋只係知道，係 Apple 發佈嗰陣，有一個情景係喺飛機上面用。講就勁，實際上原來有唔少限制。有外國媒體，透過 Vision Pro 嘅作業系統 visionOS 嘅開發發者程式，得知 visionOS 有一個叫 Travel Mode 「旅行模式」，專為上飛機時採用，但功能無咁多！即係無咗幾多？外國媒體 MacRumors 對 visionOS 第一個測試版深度研究嘅時候，發現呢部嘢嘅操作系統或者有個 Travel Mode 旅行模式選項，預咗喺飛線嘅時候用。MacRumors 喺 visionOS 嘅程式碼入面，揾到好多文字串，顯示你可以開啟呢個功能，其中一個提到：「如果你喺飛機上，你需要保持 Travel Mode 旅行模式去繼續用你嘅 Apple Vision Pro。」「 佢仲提示用戶喺旅行模式下保持唔郁」，可能係要避免戴緊呢個頭戴設備嘅時候擺動，唔好打擾身邊嘅人。visionOS 內其他文字更指出「部分感知功能將會被關閉」，MacRumors 表示，呢個可能係話喺旅行模式下，該設備可能唔會用部分空間感知嘅感應器。喺旅行模式下，你可能都用唔到你嘅「數碼人格」，呢個係 Apple 喺本月初喺全球開發者大會上推出嘅功能，可以讓你喺用視覺 Pro 進行 FaceTime 通話時創建同用你臉部嘅超真實虛擬化身。而家仲唔清楚呢啲代表咩同旅行模式將點樣運作，但至少知道，係飛機上面用 Apple Vision Pro 係有唔少限制。不過，呢個限制，對其他客人嚟講，可能係好事嚟。改編自： The Verge
Source: ePrice.HK
