蘋果 Vision Pro 不一定用眼用手操控，視障或殘障人士有得玩
指針控制 + 逗留控制
導引使用 + Voice Over
逗留控制介面 導引使用介面 指針控制介面
蘋果全新空間運算裝置：Vision Pro 頭戴式電腦，預設係透過眼同手嘅動作去控制。不過，對於有特殊需要嘅用戶，例如視障，或未能完全用手指操控嘅朋友，係咪無佢哋份？ 原來 Vision Pro 可以透過 VoiceOver、指針控制同逗留控制等其他方式同 VisionOS 互動。喺過去嘅 WWDC 開發者年會嘅 Workshop 上面，Apple 講解咗點様透過其他方法，操控 Vision Pro，令有特殊需要嘅用戶都用得到。指針控制 (Pointer Control) 可以讓 Vision Pro 基於頭部、手腕或者食指嘅位置去接受指令，而唔係透過眼球追蹤。用戶可以調校動作敏感度，令裝置更好地配合自己嘅需求。逗留控制 (Dwell Control)，會提供螢幕上嘅選項，例如點擊、滾動、長按和拖拉，讓用戶唔使用手就可以同介面互動。導引使用功能 (Guided Access) ，係一種無障礙功能，可以通過限制 VisionOS 使用一個應用程式，令用戶更能集中精神。蘋果話呢個功能旨在通過將其他應用程式放喺後台、移除非必要嘅 UI 元素，同埋抑制可能會令人分心嘅硬件按鈕事件，以減少干擾。蘋果嘅屏幕朗讀器 Voice Over 都會係喺 Vision Pro 上用到著。用戶可以喺 VisionOS 嘅設定應用程式中設置 VoiceOver 快捷鍵，只要按三次 digital crown 就可以啟動呢個功能。資料來源： macrumors
Source: ePrice.HK
