ASUS Zenfone 10 殺到！S8+ Gen 1 旗艦 Zenfone 9 減價清貨劈 $1400
呢度入手 ASUS Zenfone 9 劈價 $1400，平過大舖價
ASUS Zenfone 9 硬件規格
今晚（6 月 29 日）九點，就係 ASUS 新一代旗艦 Zenfone 10 發表的日子，對於鍾情於細機旗艦嘅 Android 用家嚟講，應該會比較想知，新一代有幾多升級。然而，版主我就比較着眼於到底 Zenfone 10 發表，舊機會唔會有減價。於是乎我就搵下資料，發覺有地方真係有將現有 Zenfone 9 清貨，而且仲要劈價 $1400！想知詳情，睇下文啦！首先我有睇下，現有 ASUS Zenfone 9 到底最新賣價係幾多。本身 Zenfone 9 就有 128GB 同 256GB 版本，不過 256GB 大部分地方都顯示缺貨，只剩 128GB，最新大舖賣價為 $4498，相比建議零售價嘅 $5698，減咗 $1200。不過，呢個價唔算係啱啱先有，睇返 ASUS Mobile HK Facebook 專頁，其實月頭嘅時候都已經做緊呢個價，而且上個月母親節嗰陣，仲曾經出現過 $4398 呢個價位，所以話目前大舖賣 $4498 呢個價，並唔算最抵玩。不過，留意到最近 csl 網店其實都有唔少搞作，將好多智能手機減價，而 Zenfone 9 亦都唔例外，正當出面大舖仲係賣緊 $4498 嘅時候，csl 網店就已經落到 $4298，即係原價直劈 $1400！我覺得 csl 將 Zenfone 9 清貨係合理，如果唔係 Zenfone 10 推出之後，可能就會更難清，除非佢哋要再進一步將現有存貨減到三千幾蚊，或者就會有啲機會。大家又覺得，呢個價錢又係咪吸引到大家入手呢？規格方面，ASUS Zenfone 9 用了 5.9 吋 2400 x 1080 解像度屏幕，機身體積為 146.5 x 68.1 x 9.1 mm，重量為 169g，配備了 Qualcomm Snapdragon 8+ Gen 1 處理器，這篇文章主要是說 8GB RAM + 128GB ROM 的版本。另外，Zenfone 9 具有 4300mAh 電池，支持 30W 快速充電。相機方面，它配備了一個 5000 萬像素的廣角鏡頭和一個 1200 萬像素的超廣角鏡頭，前置鏡頭則為 1200 萬像素。ASUS Zenfone 9 在文章發表時，大舖賣價為 $4498， 按這裡或按下圖有詳細規格及最新賣價
Source: ePrice.HK
