Google Glass 玩完？呢副谷歌眼鏡，你仲想要！
九月停止支援
未來用喺即時翻譯
仲記唔記得 Google Glass？當 Apple 公佈 Vision Pro，呢件有差不多十年歷史嘅 Google「劃時代」產品，已變咗明日黃花！今日 29/6 有消息指出，Google Glass 正式玩完！但係咪真係咁出醜先！又唔係嘅！睇番歷史，原來 Google Glass 係 2014 年正式賣街。Google Glass 係一個 AR 眼鏡，當初推出，Google 帶俾大家一個好大嘅幻想，呢副 Google Glass 會令大家嘅生活有所改善：你可以用聲音跟佢互動，加上將鏡頭掛上眼鏡，做到嘅嘢，唔止影相咁簡單。不過，一開始呢個產品引起好大嘅爭議，例如勁似間諜眼鏡嘅設計，引起大家會被人偷怕嘅反感。最後，Google 被迫放棄咗將 Google Glass 大眾化。產品最後只停留咗係企業層面，只有 Google Glass Enterprise Edition，喺 2019年更新咗 Google Glass Enterprise Edition 2。Google 已喺 2023 年 3月 15 日完全停產 Glass Enterprise Edition 2。最慘嘅係，Google 唔會再為呢個設備推出任何進一步嘅更新，最後支援日期為 2023 年 9 月 15 日，Google 會保持服務相關嘅連結運行到起碼 2024 年 4 月 1 日，之後可能會好似手機嘅 2G 網絡一様，無咗就無咗，你有 Google Glass 舊機都好，都係「乜嘢都做唔到」。Google Glass 其實係醫學領域證明係有用，當時， Google 仲積極研究喺醫院同手術過程中使用 Google Glass。最終，可能因為揾唔到肯用嘅合作單位，同埋經濟上唔再可行，令 Google決定終止 Google Glass 嘅開發。好消息就係大家可以聽返我地 上年嘅一集「輕鬆講科技 Podcast」 。喺 2022 年嘅 Google I/O 年度開發者大會裡面，Google 展示咗全新嘅 AR 眼鏡，呢個好似係Google Glass 嘅精神繼承者，佢會成為未來即時翻譯，想知道係乜嘢嚟， 歡迎 Click 呢度聽番我哋上年嘅講解 來源： Android Police
Source: ePrice.HK
