csl Lucky SIM 養號碼 Plan 升級！數據、通話分鐘增量不加價 $138 用三年
Lucky SIM 三年養號碼 Plan 數據、通話分鐘增量不加價
Lucky SIM 三年養號碼 Plan 最新詳情
邊度可以辦理 MNP 轉台或者 Join Plan 手續？
遇到一個中意嘅電話號碼，想儲起佢，就要識養號碼。我哋以前有推介過唔少養號碼嘅神器，例如 3HK 萬能卡 ，而近年我覺得比較適合養號碼嘅儲值卡，Lucky SIM 應該係其中之一。佢哋原本有一個專為養號碼而設嘅 Plan，$138 可以 Keep 到 3 年，最近佢哋將呢個計劃升級，無論係數據定係通話分鐘，都增咗量，但價錢唔變，又會唔會吸引到更多人選擇呢？睇下文啦！Lucky SIM 最近宣佈，將其 3 年養號碼服務組合升級，首先在數據用量方面，由原本 500Mb 本地數據，升級到 5GB 本地數據，速度有 21Mbps；至於通話分鐘方面，則由原本的 500 通話分鐘，升級至 1000 通話分鐘。作為用來養號碼的儲值卡，數據用量升級咗，或者吸引力有限，但就算養號碼唔會諗住要上網，講電話打出打入都會有啲用，多咗 1 倍嘅通話分鐘，我個人覺得係會令張卡好用得多。更重要的是價錢，雖然喺數據用量、通話分鐘都升級咗唔少，但價錢維持不變，都係 $138，Keep 到三年，計返平均即係每年 $46，每個月 $4 都唔使，性價比相當高。唔知大家又對呢張養號碼神器有無興趣呢？零售價：$138有效期：3 年數據用量：500Mb --> 5GB數據速度：21Mbps通話分鐘：500 --> 1000▲ Lucky SIM 隻熊貓真係好易認呢！成日聽人講 Lucky SIM，到底邊度辦理 MNP 轉台或者 Join Plan 手續呢？其實有好多地方都可以做到。我哋搵返佢哋官方資料，畀大家睇下，到底有咩地方可以搞到，睇下你邊間最近你！資料來源： Lucky SIM
Source: ePrice.HK
