激神秘優惠！獨家收風網絡商門市清貨 組合價六千有找 買 Sony Xperia 5 IV 連 WF-1000XM4
激神秘優惠！版主收風 SmarTone 門市將 Sony 細芒機、耳機組合清貨
Sony Xperia 5 IV 硬件規格
Sony WF-1000XM4 硬件規格
話說今日版主就去咗 ASUS Zenfone 10 嘅香港記者會，當然啦， 我一如既往都提前已經爆哂料畀大家知 ，而且資料都係準嘅。講到 Zenfone 10，我覺得 ASUS 好聰明，針對小眾市場，玩細機，好似我呢啲「女仔手」嘅人嚟講，其實我係佢哋嘅目標客戶群之一。市場上玩細機嘅 Android 品牌，愈來愈少，除咗 ASUS，就係 Sony，最近版主收到風，就話網絡商有神秘優惠，將細芒機系列嘅 Xperia 5 IV 減價，連埋佢哋嘅 WF-1000XM4 靚耳機，組合價都係 $6000。想知詳情，睇下文啦！說的是 SmarTone，點解講到係咁神秘呢？其實唔係真係神秘，但相信係鮮為人知，據了解，呢個優惠網店係無，淨係得門市先有，而且仲要無貼價錢牌 Show 出嚟，咁仲唔係夠哂神秘？$5999，包括咗 Sony Xperia 5 IV 同埋 WF-1000XM4 真無線耳機，可能因為 WF-1000XM5 都就推出，所以 SmarTone 都趁早用綑綁嘅方式，去將呢隻真無線耳機清貨啦！另外，買機仲包手機第二年保養以及芒貼，唔知大家又有無興趣呢？當然，如果你唔想要耳機，SmarTone 買 Xperia 5 IV 都有淨機價，優惠價為 $4749，相比建議零售價嘅 $6999 平咗 $2250。其實都算抵，比較返大舖......就以豐澤網店價做參考， $6399，其實唔減得幾多，仲貴過 SmarTone 買手機連耳機嘅組合價。規格方面，Sony Xperia 5 IV 採用了 6.1 吋 OLED 屏幕，解像度為 2400 x 1080，配備 Qualcomm Snapdragon 8 Gen 1 處理器，內置 8GB RAM 以及 256GB ROM，電池容量為 5000mAh，並支持 30W 快速充電。相機部分，Xperia 配備了三個 1200 萬像素的鏡頭，分別為 16mm 超廣角 (F2.2、1/2.5" 感光元件、最近對焦距離 4cm)、24mm 廣角鏡頭 (F1.7、1/1.7" 感光元件、OIS 光學防震) 以及 60mm 2.5x 變焦鏡頭 (F2.4、1/3.5" 感光元件、OIS 光學防震)，前置鏡頭同樣為 1200 萬像素。Sony WF-1000XM4 係一款真無線耳機，內置 V1 處理器可以比過往型號消除更多噪音，而且支持無線高解析度音訊，並具有防水和電力持久的特點，在啟用降噪的情況下，可連續播放 8 小時，而關閉降噪功能下，則可以持續運行 12 小時。而充電盒亦可以為耳機額外充電兩次，因此總播放時間可以高達 36 小時，適合日常使用。它有黑色和銀色兩種顏色選擇。
Source: ePrice.HK
