呢個品牌頂唔住！日本第二大最好賣手機品牌要換位-ePrice.HK
以往我哋好響往日系手機，但就算日本本土，日本品牌手機銷量都不不如前。係人都知，日本人最愛 iPhone。餘下可能只有 Sharp 及 Sony 比較多人用，但最近有悲報！Sony 守不住了，最好賣嘅手機品牌係佢！自 2016年 開始，Google 開賣 Pixel 手機，不過近幾年先至聽到佢哋嘅銷售量有大幅度嘅增長。而家，我哋發現原來呢間公司喺一個市場得到咗大成功。Counterpoint Research 報告指出，喺 2023 年第一季度，Pixel 手機喺日本市場嘅有好強勁嘅增長。實際上，依家呢個品牌已經成為喺日本市場上僅次於 Apple，成為第二大智能手機製造商，喺該季度占據咗市場嘅9%。同一年前比較，呢個數字表示咗 67% 嘅增長。Counterpoint Research 指出，Google 嘅表現令佢喺日本市場上超越咗 Sharp 同 Sony 呢啲本土競爭者。喺一個以往一直都支持自家品牌嘅市場，呢個實在係一個非常難得嘅成就。Counterpoint 將 Google 嘅強勁增長同銷售表現歸因於 Pixel 6 a同 Pixel 7 系列。Pixel 7a 走勢都十分強勁，上市首三星期嘅銷售量 比 Pixel 6a 上市首三星期嘅銷售量增長咗 76%。而家，呢部新手機喺日本三家電訊公司都有得買，相比之下 6a 就只有兩家電訊公司有得賣。近期有好幾個日本品牌退出咗市場，可能會令到 Apple 同 Google 未來嘅市場份額得只更加多。來源： CounterPoint
Source: ePrice.HK
