九個回合比拼！ChatGPT 最強對手! Claude 2 AI 即日有網頁版 + 免費任用
Claude 最叻處理超長文本分析
Claude 2 上線，學 ChatGPT 出網頁版可獨立免費用
Claude 2 分析力特強
三個生成式 AI 人工智能對話機械人大比拼：Claude 2 vs ChatGPT vs Google Bard
第一回合：價格
ChatGPT 免費 ChatGPT Plus 每月 US$20 Claude 2.0 免費 Google Bard 免費
第二回合：香港使用
第三回合：隱私
第三回合：支援語言
ChatGPT 支援 ChatGPT Plus 支援 Claude 2.0 支援 Google Bard 不支援
第四回合：Context Handling (詢問字串)
第五回合：不同功能
第六回合：理解廣東話
Claude 2.0 ChatGPT 免費版 Google Bard ChatGPT Plus
第七回合：Bitcoin 值幾錢
ChatGPT ChatGPT Plus Google Bard Claude 2 Google Search
第八回合：處理大量文本嘅能力
第九回合：數學任務
Claude 2 ChatGPT Plus + Code interpreter. ChatGPT Google Bard
小結：ChatGPT Plus 是最好的
由 OpenA I 前研究員創立嘅 AI 公司 Anthropic 已經推出咗佢嘅升級版生成式 AI 對話機械人工具「Claude 2」成為咗 ChatGPT 同 Google Bard 對手。Anthropic 係乜公司，佢嘅 Claude AI 又係咪新嘢，點樣用到佢，佢有乜咁正，可以 掉低香港方便地用得到嘅 Bing 或者付費就有好強功能嘅 ChatGPT? 入嚟睇睇解說！記得年初 ChatGPT 剛剛推出之際， 我哋咪介紹過一個免費嘅 AI 網站叫做 POE ？相信唔少想用 ChatGPT 但又唔想課金加買 VPN 嘅用家都有用佢。嗰陣已經講 POE 有唔少 AI 模組，其中一個叫 Claude 係 Anthropic 出品，而 Anthropic 本身又有 Google 投資。不過，一定要 POE 先用到，之後升級版又要課金，又有使用限制，就少人提及了。事實上，Claude 有一個特色，係可以處理好長嘅文件及文字，並一口氣作出回應，唔駛好似 ChatGPT Plus 採用 GPT-4 咁，不停要按 Continue。喺 2023 年 7 月 11 日， Anthropic 正式推出 Claude 2。呢個第二代產品升級至一個提示使用高達 10 萬個 token，以人話嚟講，就係一次可以處理 7.5萬個單詞內容查詢。有乜用？你可以把萬字文，直接放入去 Claude 2 介面叫佢分析，做 Summary，揾出當中的細節等等，以前你用 ChatGPT 又好 Bing 又好，都處理唔到嘅文字分析。按 Anthropic 嘅講法，Claude 2 喺律師考試選擇題部分嘅得分為 76.5% ( GPT-3.5 為 50.3% )；喺 GRE 閱讀同寫作考試中取得高過 90%研究生申請者嘅分數。Claude 2 喺 Codex HumanEval Python 編碼測試中獲得 71.2%嘅分數，喺 GSM8k 小學數學問題中獲得咗 88.0% 嘅分數。呢啲顯示咗佢嘅高端計算技能。 與此同時，據報導，Anthropic 嘅 Claude 採用咗獨特嘅「憲法」設計。呢個設計靈感源於《世界人權宣言》，使其能夠喺冇人工反饋嘅情況下自我完善，識別不當行為，並調整自己嘅行為。 Claude 2 網頁版介面 跟 ChatGPT 一樣，都係簡單為主。▲ ChatGPT 有兩個版本，免費版本透過 GPT-3.5 模組提供服務；課金版本，透過 GPT-4 模組提供服務，需要繳每月 20 美元訂閱，即用到 ChatGPT Plus 其他功能 (下面再講)。OpenAI 禁止香港連線進入 ChatGPT，亦禁止香港人申請戶口，亦禁止香港信用卡訂閱 ChatGPT。要申請及使用，都要連線 VPN 及揾一個非中港澳的手機號碼作一次性的認證。要課金 ChatGPT Plus 要自行找一張外國信用卡及預付卡。Google 同樣禁止香港連線進入 Google Bard，亦禁止香港人申請 Google AI 服務用戶。Claude 暫時只喺美國同英國可用，但係佢哋嘅 Support List 上面，都係無香港呢個名，情況跟 ChatGPT 一樣，今日唔會有，聽日都一定唔會有。ChatGPT 允許用戶刪除互動記錄。Google Bard，有選項可以喺 18 個月後自動刪除互動記錄 ，Google 唔允許用戶檢索之前嘅互動。Claude 則允許用戶刪除對話記錄。ChatGPT 支持 80 多種語言，Google Bard 支持英語、日語同韓語。Claude 則支持幾種廣泛使用嘅語言，如英語、西班牙語、葡萄牙語、法語、中文同德語等。測試過，支援繁體中文及廣東話輸出及輸入。支援廣東話輸入及輸出結果情況ChatGPT 免費版本支持 7096 個 token (約 5300 字串），ChatGPT Plus (GPT-4) 支持 8192 個 token (約 6100 字串）。Google Bard 支持 8196 個 token (約 6100 字串）而 Claude 支持高達 10 萬個 token (約 7.5 萬字串）ChatGPT 免費版本冇額外功能。課金版本 ChatGPT Plus 提供咗 Plug-in Store 、Code Interpretor (代碼解釋器) ( 按呢度了解有乜用 ) 同由 Microsoft Bing 驅動上網瀏覽功能。有提供 API 支持。Google Bard 仲喺實驗階段，但未來會有插件商店同 Google Workspace 連動操作。提供有限嘅 API 訪問。Claude 可以把查詢結果加入 Slack 服務中，處理不同嘅任務，如總結線程、提供建議、集思廣益等，也提供 API 支持。香港人用 AI 輸入繁體中文加廣東話及輸出廣東話係好重要。我哋輸入一組非常香港嘅港式廣東話俗語，相信由千禧新世代，到四五章嘅成人都會明嘅廣東話，睇下三個 AI 有乜反應。問題就係：「香港俗語中，打飛機，是什麼意思。請以英文回答」呢個測試，唔單止測試咗三個 AI 嘅上網網功能,，而且還衡量咗每個模型基於單個指令提供嘅信息量。用《聖經》作例子，由創世記 1:1 複製到出埃及記 25:39 嘅所有文本(近 6.2 萬個單詞)。然後，我哋根據提供嘅文本故事提出一個非常具體嘅問題。▲ 因為文本檔案字數太多，只有 Claude 2 有能力處理並提供答案。佢花咗大約 2 分鐘處理提示，但提供咗準確嘅回復。我哋用咗特定嘅標記嚟確保佢唔係喺作弊，而係分析文本，佢都證明可以完成呢個任務。要求呢啲模型處理一些數學任務。AI LLM 同傾偈機械人實際上唔係真正用於呢個目的嘅，ChatGPT Plus 配備 GPT-4 可能係三者中喺呢方面表現最好嘅，因為佢有代碼解釋器。但係，我哋測試咗呢三個模組，要求佢哋為一個試圖清除信用卡債務嘅人創建一個付款計劃。我哋還要求呢啲模型對應使用同應避免嘅卡進行排名。九個回合比拼，我會覺得，若果你申請到 ChatGPT，並可以課金 ChatGPT Plus 嘅話，佢都係暫時最強大，出嚟結果最好嘅生成式 AI 人工智能對話機械人服務。而 Claude 2 強大於可以處理有大量資訊、文字的文件，而佢有閱讀 PDF 能力，是一個分析的好工具，最緊要佢係免費登記。若果你有用 VPN，只要連線上英國或者美國，並進入 Anthropic.ai 登記戶口，跟 OpenAI 戶口不同，唔駛用手機號認証。每次使用都要連上 VPN。若果你用開 POE，免費版都有提供一日三十個提問。今時今日，要用 AI ，VPN 是少不了， 立即申請一個吧，兩年合約都係幾百蚊，無理由限住自己 ，用嚟用去都係 POE 同 BING 架！ePrice.HK 同你齊齊玩 AI : 按呢度進入 AI 大時代專頁， 每日送上最強 AI 消息及工具測試 玩咗 Threads 未！ 立即 Follow 我哋 ，有係網站睇唔到嘅科技癈文分享
文章改編自：
decrypt.co
Source: ePrice.HK
