機會嚟啦飛雲! Twitter 派錢，有 KOL 已收十八萬廣告費
收錢要求
有錢洗得鬼推磨！點解唔係人人都識講嘢同拍片，但一街都係 YouTuber？有不少年輕人夢想就係做一個成功嘅 YouTuber，因為做 YouTuber 可以有錢賺，仲可以養妻活兒...好似係...。因為 YouTube 會把部份廣告收入，跟內容創者分享，大家都想自己有份，呢一招，Elon Musk 學作。有 KOL 表示，已收到 Twitter 嘅轉款，價值約十八萬港紙嘅美金，直送俾佢哋! 你有無本事？點様申請收 Twitter 廣告？為錢，係咪唔好再玩 Threads Twitter 老闆 Elon Musk 喺 14/7 宣佈，開始與平台上嘅創作者分享廣告收入。要有收入，首先你要課金俾佢先，要申請咗 Twitter Blue 先，Twitter Blue 係 Twitter 嘅課金訂閱服務 ( HK$900 / 年或 $86 / 月)。根據 Musk 嘅推文，Twitter 將與創作者分享佢哋回應串出現嘅廣告的收入。這意味著，如果一個創作者係佢嘅推文回應串中，發佈咗一個廣告，Twitter 將向該創作者支付一小部分廣告收入。Twitter 唔係向每一位內容創作者派錢，都要有一定要求。好似之前咁講，要訂閱咗 Twitter Blue，並且過去 3 個月每個月獲得超過 500 萬次推文曝光度，
係五.百.萬.
嘅用戶有資格參加。根據老闆 Elon Musk，佢已經發出咗 500 萬美元俾內容創作者，更誇張嘅，係有 Day Back，由今年 2 月份開始累計。呢啲款項將會透過付款網站 Stripe 派發。從一啲大型創作者喺 Twitter上分享嘅資訊睇，呢啲款項都係相當可觀。擁有大約 750,000 粉絲嘅 Brian Krassenstein 聲稱 Twitter 俾咗佢 24,305 美金，即係大約港幣十八萬。擁有大約 230,000 粉絲嘅創作者 SK，佢喺 Twitter 賺咗 2,236美元；政治評論家 Benny Johnson 有 170 萬粉絲，佢話賺咗 9,546 美元。Twitter 暫時派錢俾美國用戶，但會遲下將呢個計劃，開放至全世界合資格嘅 Twitter Blue 用戶。內容改篇自： Tech Crunch 玩咗 Threads 未！ 立即 Follow 我哋 ，有喺網站睇唔到嘅科技廢文分享
Source: ePrice.HK
