第二期消費券到手！一文精選 $2000 以下抵玩手機
001: Motorola G82 5G
002：OPPO A78
003：紅米 Note 12 5G
004：POCO X5 5G
政府第二期消費券已經發放，唔知大家開始用未，或者諗好買乜未呢？我 Day One 已經用咗一半！如果你有打算用 $2000 消費券買手機，又唔想加錢去買勁機，$2000 有找手機有乜選擇呢？呢篇文章會同大家精選幾款平機，睇下作為後備機，又啱唔啱你心水。Let's Go！當我開呢個 Topic 時，第一部我想同大家講嘅，係 Motorola G82 5G 呢部手機，豐澤、衛訊其實早已經下架，不過留意到 原來 csl eShop 網店仲有賣 ，由建議零售價嘅 $2399 減至 $1799，即係減咗 $600，令佢成為 $2000 有找嘅選擇之中，一部應該都算幾值得考慮嘅手機。Motorola G82 5G 採用咗 6.6 吋 FHD+ AMOLED 屏幕，配備 Qualcomm Snapdragon 695 處理器，內置 6GB RAM 以及 128GB ROM，電池容量為 5000mAh，並支持 30W 快速充電。相機部分，Motorola G82 5G 用上了 5000 萬像素主鏡頭、800 萬像素超廣角鏡頭以及 200 萬像素微距鏡頭，前置鏡頭則為 1300 萬像素。OPPO A78 建議零售價為 $1999，目前大舖並未見有減價，採用咗 6.5 吋 FHD+ AMOLED 屏幕，支持 120Hz 屏幕刷新率，配備 MTK 天璣 700 處理器，內置 6GB RAM 以及 128GB ROM，電池容量為 5000mAh，並支持 33W 快速充電。相機部分，OPPO A78 用上了 5000 萬像素主鏡頭以及 200 萬像素景深鏡頭，前置鏡頭則為 800 萬像素。紅米 Note 12 5G 建議零售價為 $2199，而現時大舖最新賣價則為 $1999，採用咗 6.67 吋屏幕，解像度為 FHD+，配備 Qualcomm Snapdragon 4 Gen 1 處理器，內置 8GB RAM 以及 256GB ROM，電池容量為 5000mAh，並支持 33W 快速充電。相機部分，紅米 Note 12 5G 用上咗 4800 萬像素主鏡頭、800 萬像素超廣角鏡頭以及 200 萬像素微距鏡頭，前置鏡頭則為 1300 萬像素。POCO X5 5G 無論價錢定係規格，都同 Motorola G82 5G 差唔多，建議零售價為 $1999，而家大舖最新賣價則為 $1799，採用咗 6.67 吋 FHD+ 屏幕，配備 Qualcomm Snapdragon 695 處理器，內置 6GB RAM 以及 128GB ROM，電池容量為 5000mAh。相機部分，POCO X5 5G 用上了 4800 萬像素主鏡頭 + 800 萬像素超廣角鏡頭 + 200 萬像素微距鏡頭，前置鏡頭則為 1300 萬像素。
Source: ePrice.HK
