ASUS Zenfone 9 清貨減價！S8+ Gen 1 細芒旗艦 跌到 $3800 有找
ASUS Zenfone 9 水貨減價至 $3800 有找
講到我最鍾意嘅影相手機，唔少得當然係我成日講嘅 小米 13 Pro 啱啱仲推出限量 100 套嘅純白限定版 )。不過講到手感好，好揸手，對於好似我呢啲細手之人嚟講，ASUS 呢兩代嘅 Zenfone 系列，就主打細芒機 (其實 Zenfone 8 都係有細芒，但嗰部真係設計有點...... 所以唔講了)，啱啱推出咗 Zenfone 10，而家留意到，舊代 Zenfone 9，有地方清貨減價至 $3800 有找！呢個價錢，有部 S8+ Gen 1 細芒旗艦，你又會唔會考慮呢？睇下文啦！今次我想講嘅減價，並唔係大舖價，但都可以先講下大舖賣價畀大家了解下先。根據豐澤網店嘅標價，ASUS Zenfone 9 還有賣嘅係 8GB + 128GB 版本，由建議零售價 $5698 減至 $4498，即係有即減 $1200 優惠。不過我今次更想講嘅，係水貨嘅減價。比較返上星期一間水貨網店嘅賣價，當時都仲係賣緊四千頭，但今日 (7 月 21 日) 下午時份，佢哋已經將 Zenfone 9 8GB+128GB 減價至 $3755，即係 $3800 唔使有交易，而水貨仲會有 8GB + 256GB 以及 16GB + 256GB 版本，最新水貨價則分別為 $4365 以及 $5115，但一較之下，我覺得 128GB 其實都幾吸引。
ASUS Zenfone 9 硬件規格
規格方面，ASUS Zenfone 9 用了 5.9 吋 2400 x 1080 解像度屏幕，機身體積為 146.5 x 68.1 x 9.1 mm，重量為 169g，配備了 Qualcomm Snapdragon 8+ Gen 1 處理器，這篇文章主要是說 8GB RAM + 128GB ROM 的版本。另外，Zenfone 9 具有 4300mAh 電池，支持 30W 快速充電。相機方面，它配備了一個 5000 萬像素的廣角鏡頭和一個 1200 萬像素的超廣角鏡頭，前置鏡頭則為 1200 萬像素。報價查詢： eTopia
Source: ePrice.HK
