伴侶第三期乳癌兼移民離別 90後女插畫師書展分享「抗負」點滴
「當醫生同佢講患癌得返3個月命，建議佢做標靶或化療時竟然say no，佢令我知道人生係有選擇。」一名90後女插畫師，明知伴侶患上第三期乳癌，已擴散至腹腔等部位，並預告下月將會移民加拿大重新生活，雙方即將分離，但仍決定成為限定戀人，她獲伴侶鼓勵下今年書展集結成書，寄語港人珍惜當下，笑言單計出書量已預告蝕本，「那怕係有巿民行過書局掀書望一兩眼，記住個幾句鼓勵說話，呢個係Misson(任務)多於earning(賺錢)。」
「我是不正常，那與你何干？」、「不是不想告知，而是你不會明白。」90後插畫師Circle，早年曾投身音樂界，現全職於非牟利組織工作，工餘在青少年綜合中心擔任義工支援低收入兒童，亦會在社交媒體分享插畫及人生金句，她毫不忌諱公開「出櫃」，與藝人王敏德女兒王曼喜參與同志遊行，支持性小眾平權理念，部分金句與她遭受流言蜚語後因而有感而發，成為她日常「抗負」經歷。「港人慣性每日塞滿大量工作，不斷建立新事物填充人生，但係其實最重要係靜下來學識同自己傾偈，知道自己想要乜嘢。」
先後投身音樂界及NGO工作 插畫創作分享感受
伴侶患癌切除雙乳兼預告移民 不介意成為戀人
一直在社交媒體分享作品的Circle，去年底與港台節目主持Jean結為同性伴侶。「同佢一齊之前，已經知道佢患第三期乳癌，3個月內先後切除左右乳房，去年底醫生同佢講得返3個月命，建議佢做標靶或化療時，佢竟然say no，佢令我知道人生係有選擇。」
她形容伴侶Jean極有主見，眼見身邊接受化療及標靶治療的親友經歷不太好，決心靠其他療法及運動治療。「佢話人生仲有好多嘢未做，唔想做完化療後攰到企唔到，每日堅持食同一種食物，做運動鍛鍊身體，對上一份報告部分癌細胞縮細咗，甚至變成非活躍細胞，直至幾日前再照，癌細胞先擴散到腹腔部位。」阻隔兩人不只癌症，還有時間。伴侶Jean感覺在港生活環境太壓抑，下月移民至加拿大重過新生活，她則繼續留港生活，雙方是聚是散，誰也無法預料。
「與其擔心不如珍惜餘下時間，心態決定一切，生命好短，我會直接做多啲嘢令佢開心，點解要諗咁多？」她獲伴侶支持鼓勵下，決定自資五位數由出版社集結成書，命名為「西西救命書」，今年灣仔書展推出，講述人生應有的積極正面態度，做回原本那個自己。「今年書展合共印刷500本書，仲會捐部分畀青少年中心，肯定翻唔到本，我只想祝福港人內心平安…那怕係有巿民行過書局掀書望一兩眼，記住個幾句鼓勵說話，呢個係Misson(任務)多於earning(賺錢)。」
書內全是黑白插畫輔以人生短句，為讀者留白。「呢本書插畫空白位其實係可以填顏色，想話畀人聽人生可以有好多色彩。」
部分插畫及人生金句：
--
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
