東張西望丨郭晉安捲內地樓盤「騙案」未解決 麥玲玲搵深圳律師搜集資料
郭晉安與堪輿學家麥玲玲早前捲入內地樓盤風波，有「苦主」在銅鑼灣街頭拉橫額指控地產商，又以紅、黑字寫上「麥玲玲（算錯）風水地 原來是詐騙樓盤」等字眼，之後網上再瘋傳有「苦主」於旺角街頭拉橫額控訴郭晉安，與同一樓盤有關。《東張西望》今晚（24日）播出郭晉安與麥玲玲接受電話訪問，澄清自己非樓盤代言人，麥玲玲更透露為「苦主」提供協助。
【相關閱讀】：郭晉安捲內地樓盤「騙案」澄清非代言人 麥玲玲亦受牽連向地產商發律師信
【點擊睇郭晉安麥玲玲捲內地樓盤「騙案」】：
早於2022年初，節目已收到觀眾報料懷疑被騙，因購買位於珠海保稅區的樓盤，購入時已接近完工，其後發現該地段在法例規定下不能留宿。而事件到最近又再次因拉橫額指控地產商，再成為話題，而且郭晉安及麥玲玲曾出現在宣傳海報上，令事件更令人關注。由於香港沒有廣告法，但在內地如有明星代言的產品有問題，代言人要承擔法律責任。內地律師吳華升表示藝人只做表演嘉賓，而沒有進行宣傳或推廣等事宜，便不屬於代言人，因此不用承擔法律責任。
苦主「陳先生」表示因應樓盤問題，已到內地開會，卻是用拖延政策，沒有解決方法：「拎包入住，唔係住人係咩？全部都係明星名人宣傳，好大嘅宣傳。」另一苦主「吳小姐」曾聯絡珠海的住建部，住建部承認項目是違規違建，令她大感無奈。郭晉安與麥玲玲對於自己被捲入相關風波，坦言明白及體諒苦主，希感圓滿解決。
郭晉安：只唱兩首歌助興
郭晉安接受電話訪問時，坦言第一次聽到時「嘩！」了一聲，感到好驚訝，至於被指是代言人，他則為「代言」一詞解釋：「為一件商品去發言或者拍片，然後喺廣大平台宣傳，咁先叫代言，我都冇做過，咁唔係叫代言人啦！我只不過喺活動同佢唱兩首歌助興。我好明白嘅，咁辛苦搵到錢返嚟希望安居樂業，但係發生呢啲事，我都好明白好體諒佢哋嘅苦況，最緊要有對號嘅單位幫到佢哋，呢個先係對佢哋嘅最大幫助。」
麥玲玲：望發揮名人效應
至於麥玲玲師傅不但體諒苦主，更出動人脈提供協助，她表示早於2018年5月曾在尖沙嘴的酒店出席活動，由於甚少內地樓盤會在香港搞活動，因此有少許印象。對於今次風波，她已聯絡上一些苦主，解開誤會：「開初佢哋係激動嘅，係誤會嘅，其實佢哋係想搵到我，佢哋覺得我當時做咗呢個Show，都係名人，佢哋覺得我係聯絡搵返一啲發展商，希望我哋發揮一個名人效應，去幫佢哋做一啲嘅聯繫，希望有一啲圓滿嘅解決。我即刻搵咗個喺深圳嘅律師，落去珠海現場睇番情況，其實有人入伙，大約有四成係住緊，寫字樓就有五成到，幫佢哋搜集多少少資料，等佢哋知多少少，再決定去點樣做。」
【其他文章】：
郭晉安屢被指變樣38年外貌變化逐格睇 昔日靚仔小生顏值崩壞？
58歲郭晉安親民作風意外反擊「醫美過度」 零濾鏡相片真實樣令人驚訝
麥玲玲穿半透舞衣跳舞被攬腰摸手仔 嘴角含春樣勁有喜感畀人呃都唔覺佢慘
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
