開賣兩個月即劈 $1000！華為 P60 Pro 呢個價 Fans 必入？
華為 P60 Pro 開賣兩個月減 $1000
華為 P60 Pro 硬件規格
由我 2015 年入行開始，華為地位變得愈來愈高，每一代的旗艦相機都大受讚揚，每一代的旗艦產品，銷量都不錯 ── 直至美國封殺華為，令華為無 Google、無 5G，雖然華為已經好努力推出 Harmony OS，但多少都會對用家有點影響。難怪華為 P60 Pro 推出兩個月期間，大舖已經將佢劈價成千蚊！想知詳情，睇下文啦！華為 P60 Pro 喺 2023 年 5 月香港正式推出，有 8GB + 256GB 以及 12GB + 512GB 兩個容量版本，並有白色同黑色兩種選擇，建議零售價分別為 $7988 以及 $8988。而呢部手機去到而家，已經推出超過兩個月，大舖已經將呢部手機減價咗唔少，8GB + 256GB 版本最新賣價為 $6988，而 12GB + 512GB 版本最新賣價則為 $7988，即係兩者都即減 $1000。對於華為 Fans 嚟講，無 Google 無 5G 都無阻大家對華為嘅愛戴，呢個價錢，Fans 又係咪會必入呢？規格方面，華為 P60 Pro 用上咗 6.67 吋 OLED 屏幕，解像度為 2700 x 1220，配備 Qualcomm Snapdragon 8+ Gen 1 4G 處理器，內置最高 12GB RAM 以及 512GB ROM，電池容量為 4815 mAh，並支持 88W 有線快充以及 50W 無線快充。相機部分，華為 P60 Pro 具有 4800 萬像素廣角鏡頭、4800 萬像素潛望式長焦鏡頭以及 1300 萬像素超廣角鏡頭，支持 3.5 倍光學變焦，前置鏡頭則為 1300 萬像素。另外，手機亦支持 IP68 防水防塵功能。
Source: ePrice.HK
