網絡商 5G 家庭 Plan 限時免 9 個月月費！平均每人月費 $100 有找 有 40GB 5G 數據
門市上台家庭 Plan 免 9 個月月費
記得以前 4G 年代，我都有時會同大家分享家庭 Plan，一個月費可以幾個人共用，全家一齊 Share 就最啱。但點解來到 5G 年代，我好似好少去提呢？一來 5G 推出的時候，月費都不便宜，如果再加埋家庭 Plan，就貴上加貴。不過，最近留意到有網絡商推出限時 5G 家庭 Plan 優惠，免 9 個月月費，平均每人月費 $100 都唔使，就有 40GB 5G 數據！想知詳情，睇下文啦！今次要說的是中國聯通 CUniq，佢哋個家庭 Plan 係叫 5G One 家庭共享計劃，有 50GB、100GB、150GB 同埋 200GB 四個 Plan，基本月費分別為 $368、$396、$596 以及 $796，如果你喺網店申請，有得免 8 個月月費，但如果你希望可以再平多一點，其實仲有方法！只要你去門市申請，就可以有 9 個月月費。就以 50GB Plan 為例，原本基本月費 $368，免 9 個月月費的話，條數係咁計：$368 x 15 / 24 = $230，即係月費 $230 就可以有 50GB Plan，而呢個 50GB Plan 可以有三張 SIM，即係三個人共用，平均每人 $77 左右，就有 16.7GB 5G 數據。不過，$77 呢個價錢係平，不過 16.7GB 可能就少咗啲，如果你係相對高用量嘅，可能可以考慮「攻頂」，$296 200GB，免咗 9 個月月費之後，平均月費 $497.5，計起上嚟每人 $99.5，200GB 5 個人分，平均每人 40GB。但如果全家 Share 用，老豆老母未必用好多，咁其實你變相就可以用多啲，就算用爆 200GB，都仲可以繼續以 384kbps，仲有 20GB 內地及澳門數據，想返大陸或者去澳門玩，都唔使再另外買數據，咁平均每人 $100 唔使，呢個月費又係咪抵玩呢？來源： CUniq HK
Source: ePrice.HK
