Samsung 重推自家 Exynos 芯片？理由係....
據報導 Samsung 已準備開發下一代手機，但開始有消息傳出嚟話，佢地可能會喺歐洲同其他地區轉番用 Exynos 芯片，點解會係咁？Pocket-lint 網站有消息話，Samsung 打算係佢哋中等價錢嘅手機 Galaxy S23 FE 用返 Exynos，即係三星自家研究嘅手機 SoC。而根據傳聞，呢部機喺 Geekbench 都見到過相關嘅資料，都係顯示採用 Exynos 處理器。Pocket-lint 仲透露， Samsung 考慮明年嘅 Galaxy S24 係某啲地方用番 Exynos，特別係歐洲。但係有分析師估，Samsung 未必會喺歐洲全面用番 Exynos，可能係啲細啲嘅市場先會考慮。Samsung 近幾年，例如 Galaxy S23 系列全面改用 Qualcomm 嘅 Snapdragon 芯片。主要原因係 Samsung 自家嘅 Exynos 芯片嘅性能同質素一直都比 Snapdragon 差，所以 Samsung 粉絲當然鍾意部手機用 Qualcomm Snapdragon 啦。但最新嘅新聞都顯示 Samsung 係有啲猶豫，因為佢哋知道對手嘅芯片的確好啲。但係 Samsung 都想顯示佢哋信任自家產品，所以仲考慮繼續用自家嘅芯片。來自： Android Police
Source: ePrice.HK
