港女搭巴士疑遭怪手胸襲 網民同情自爆曾遭非禮：被拍pat pat摸手臂｜Juicy叮
一名巴士女乘客早前懷疑被從後排伸出的「怪手」摸胸非禮，事件在facebook專頁「屯門友」曝光後，網民不但出來伸張正義，大力聲討疑似色狼，並上載另一相片，爆料指相中人疑為慣犯。事件讓不少網民同情，並勇敢揭開傷疤，重提自己在不同場合也曾不幸遇上的懷疑被非禮經歷。
巴士「怪手」實況及網民回應：
樓主代街坊附相發帖，相中見到一名坐後排左邊的黑衣男乘客，沿窗邊伸長左手。帖文指事發於4月15日晚上7時15分左右，「坐57M呢個男人伸隻手上前面摸胸，捉住佢仲要扮眼瞓、扮冇事。收咗工之後個腦好攰已經轉唔郁，我都唔知點解到站就落咗車冇報警。各位女士要小心，一個女仔盡量唔好坐最後，周圍有好多位，專登坐過嚟附近要留心啲」。
資料顯示，57M來往屯門（山景邨）及荔景（北）。對於這樁「怪手」懷疑非禮事件，回應的網民均咬牙切齒聲討，指做法猖狂，行為鬧殘格，遇事時應大喊，並要報警處理：
「要報呀！」、
「好猖狂」、
「咁恐怖！」
「舉報佢」、
「不要放過佢」、
「賤恪，應該大叫」、
「而家報返都唔遲」、
「報警，巴士有cctv」、
「要舉報，唔係再有人受害」、
「巴士有cam，可以check返㗎」、
「第一時間影咗手先，開拍片由手影到樣」、
「下次大聲嗌非禮，我相信好多人出聲幫你㗎」、
「要大叫，見到佢瞓都要大叫，扮瞓的人唔會醒」、
「雖然過咗照報警囉，可能巴士上的閉路電視影到」、
「好癲，唔可以放過，一大叫一定全車都幫，唔洗怕」、
「車上面有cam 可以報警拉人，落咗車都可以報案，放心去」、
「下次緊係開手機影低罪證，唔洗口同鼻拗，先在係車大叫」、
「當時上層多人坐嗎？發生在屯公 or 已到山景邨？遇事係咪可以通知司機，等佢走唔到先，再報警」。
另有網民批評「受傷者都唔知點解唔出聲，所以咪助長啲變態佬四圍搵食囉！」，回應的則平心而論「你講就容易，好多人都會嚇親唔識處理」。
網民貼出另一相片，爆出疑似色狼疑為慣犯。
說著有不同的網民陸續爆料，指相中的疑似色狼乃慣犯：
「又係依條ＸＸ」、
「我叫過男人唔好伸隻手出嚟」、
「只要有睇開57M依條友慣性！」、
「佢慣犯黎㗎258、66線都有佢蹤影！」、
「佢通常都景麗站落！之前都好多受害者」、
「呢個係慣犯，俾人post 過佢樣好幾次啦！」、
「又係佢！慣犯嚟！上年日光日白佢都咁樣摸」。
有網民坦言自己也有相似的懷疑被非禮經歷。istock圖片
另有網民坦言自己也有相似的懷疑被非禮經歷，揭開傷疤舊事重提：
「我試過臨關門，扮衝落車，被人拍pat pat，喂佢，已關門，一次係巴士，一次係地鐵」、
「係呀我都試過，因為我又係好鍾意坐最後嗰排，有個阿叔上車本身坐前面，見到我之後就坐在我後面，又係伸隻手出嚟，但係我唔敢望住佢，我就用手機偷影佢，可能佢知道咗，佢落咗去下層」、
「以前每日富泰站都有位拎住報紙嘅男人上11點左右67M巴士，個男人專登坐我後面扮睇報紙其實將手放喺窗邊摸我手臂，我擰向窗邊睇發現有隻手，嚇到我......之後我揀坐喺樓梯口前面位，個男人就轉向其他女乘客落手，呢個畫面依家仲記得」。
帖文來源：屯門友
相關新聞：
指巴士阿叔伸手太前 女乘客憂被非禮籲女士小心
坐港鐵遭鄰座女子手肘頂肚腩港男：我係咪可以叫非禮？
鐵站內遭怪漢踩甩鞋再捉腳穿回 女途人感被非禮籲女士小心
顧客指控侍應非禮女友餐廳公開閉路電視片段反擊
同場加映：
旺角男對窗自瀆 港女對面樓直擊全程興奮自拍：OK喎
網絡有影片熱傳，有港女在旺角廣東道一單位BBQ，驚見對面唐樓有一名男子對窗自瀆，港女「處變不驚」，興奮「品評」：「OK喎！」更將自瀆情況當作背景自拍。
【港女直擊旺角男對窗自瀆｜全程逐格睇↓↓↓↓】
流傳影片約長12秒，從影片看到事發地點在旺角廣東道的一楝住宅，但未知拍攝時間，開頭看到一班女子在住宅陽台BBQ，未幾有人發現對面唐樓有男子脫褲站近窗邊自瀆，鏡頭即移至拍攝該位自瀆男。
男子不雅行為即時引起議論，影片聽到有女子發出笑聲，其後有女子表示：「差唔多啦，差唔多就要完啦。」另有女子表示：「每日都做。」跟接有女子大聲笑言：「OK喎。」跟隨笑聲，影片於此結束。從流出的相片看到，有女子更以男子自瀆時畫面作背景，進行自拍。
網民紛紛要求報警跟進，又對於一班女子反應議論紛紛：「真正處變不驚，睇同搞嘅都係。」「報警，有變態佬。」「好變態。」
本港活春宮個案屢見不鮮，去年(2021年)11月，一對男女於佐敦彌敦道鬧巿一間酒店房內，疑親熱時沒拉窗簾，遭街上途人目撃並拍下影片，影片隨即遭到瘋傳。
今年(2022年)5月，一對男女在尖東一間五星級酒店的窗邊忘我交歡之際，疑遭高層住客偷拍，更將片段在網上流傳。
今年6月，啟德一個屋苑有男女光天化日下於露台纏綿，警方其後拘捕涉案男女主角。
今年7月，一對男女在北角某酒店的露天浴池中交歡，過程被樓上住客拍攝後上傳至多個網絡群組。
今年10月，一對男女光天化日下於東涌一公園公然口交，警方其後拘捕一名36歲姓江本地男子，涉嫌破壞公眾體統。「破壞公眾體統」罪最高刑罰為監禁七年。
根據刑事罪行條例200章148條《在公眾地方的猥褻行為》，任何人無合法權限或合理辯解下，在公眾地方或公眾可見的情況下，猥褻暴露其身體任何部分，即屬犯罪，罪成可罰款2000元及監禁6個月。
至於發布影片，則可能干犯《淫褻及不雅物品管制條例》21條中的發布淫褻物品，罪成可處罰100萬及監禁3年。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
