華為手機又有清貨！二千頭有 100W 快充 + 60MP 自拍相機
二千頭入手 nova 10 Pro
華為 nova 10 Pro 硬件規格
華為 nova 10 硬件規格
適逢動漫節到來，csl 將好多產品減價清貨，因為抵玩嘅貨品太多，所以我都寧願「拆件」，將唔同嘅手機優惠，分唔同 Topic 同大家分享。分享完 BlackShark 5 系列，文章一出好快就清哂貨，而今次我想分享嘅，係華為嘅手機，二千頭價位，就有 100W 快充，而且自拍都好掂，有 6000 萬像素超高清前置鏡頭，如果你係華為 Fans，你又會唔會對佢有興趣呢？睇下文啦！說的是華為 nova 10 Pro，csl 網店由建議零售價 $4588 減至 $2290，即係差不多有半價優惠，雖然華為手機無 Google 無 5G，但對於華為 Fans 來說相信唔係問題，呢個價錢你哋又有無興趣呢？除咗 nova 10 Pro，csl 網店亦有將較平價嘅 nova 10 減價，由建議零售價 $3588 減至 $1790，同樣係有半價優惠，呢兩部手機之中，你又會考慮 nova 10 定 nova 10 Pro 呢？要考慮邊部好，首先我哋要比較呢兩部手機硬件有乜分別。規格方面，華為 nova 10 Pro 採用了 6.78 吋 OLED 屏幕，解像度為 2652 x 1200，配備 Qualcomm Snapdragon 778G 4G 處理器，內置 8GB RAM 以及 256GB ROM，電池容量為 4500mAh，並支持 100W HUAWEI SuperCharge Turbo 快速充電。相機部分，nova 10 Pro 具有 5000 萬像素超感知鏡頭、800 萬像素超廣角微距鏡頭以及 200 萬像素景深鏡頭，前置鏡頭為 6000 萬像素 + 800 萬像素雙鏡頭。至於 nova 10，則採用了 6.67 吋 OLED 屏幕，解像度為 2400 x 1200，配備 Qualcomm Snapdragon 778G 4G 處理器，內置 8GB RAM 以及 256GB ROM，電池容量為 4000mAh，並支持 66W HUAWEI SuperCharge 快速充電。相機部分，nova 10 具有 5000 萬像素超感知鏡頭、800 萬像素超廣角微距鏡頭以及 200 萬像素景深鏡頭，前置鏡頭為 6000 萬像素超廣角鏡頭。
Source: ePrice.HK
