唔減辣唔掂 4大地產商市值蒸發2338億 呢間股價腰斬｜樓市燈神
有傳特首李家超即將喺新一份《施政報告》中，回應商界呼籲為樓市減辣。不過據講係「減啲唔減啲」，只係放寬非本地買家的買家印花稅（BSD），並唔係全面撤辣。
有利好消息，「燈神」自然要走去望下四大發展商股價，點知全部未見有起色，仲好似越跌越深。其實唔難理解，睇翻最新業績，佢哋主要業務嘅基本因素都有改變，加上個別發展商減派息，難怪有專家叫散戶暫時唔好「撈底」。
四大發展商中，新世界的股價表現最差。（資料圖片）
本港樓價持續下跌，成交淡靜，發展商用「成本價」賣樓吸客，連代理商都要出招， 為二手市場提供減辣... [2116 chars]
Source: 香港01
