「$16」賄賂的哥改單 小氣男死𦧲唔落車 司機騷「終極武器」即嚇走｜Juicy叮
網絡今日(5日)熱傳一段的士車cam片，一名男子落車時要求的士司機改單，懷疑欲報大數呃公司車資。男子提出多付$16車資，要求的哥配合，當被拒絕後，男子再「死𦧲」，最後司機出動一樣「終極武器」，成功嚇走「小氣男」。
小氣男「$16」賄賂的哥 最後咁至落車...｜點擊即睇 足本字幕版↓↓↓↓
車cam片顯示事發在今日（5日）凌晨三時半左右，涉事的士司機表示，男子由觀塘偉業街宏利金融中心上車去數碼港，當到埗後，車資144元，他即主動要求付160元，並提出「行紅隧叫我打西隧單」，換言之，多付16元要求司機改單。
司機即時拒絕，但男子仍不落車並一再「死𦧲」，甚至提出加「$85呢到」，與及改為同司機「買張單」，司機最後出動「終極武器」至可將他嚇落車：「已經好聲好氣同你講唔得，再三追問之下，唯有兇一兇你囉。」
司機在帖文中更hashtag「#訓(瞓)醒之後可能會去北角ICAC搞搞佢」，暗示可能會舉報男子涉嫌賄賂。
網民對事件議論紛紛，「呢招呃公司嗰幾十蚊仲興嘅咩，唔係嘛？！都通脹咗咁多年啦，以前嗰幾十蚊就話香唧。」「舉報個客教唆他人犯法，呢條片係證據。」「為咗幾十蚊厚顏無恥。」
不過，不少網民認為男子雖然涉嫌賄賂，但司機無遮無掩公開影片，令男子樣貌曝光亦涉嫌觸犯私隱條例：「司機做得啱，至於其他行為，有待商榷。」「直接去icac啦，放上呢盞畀人圍。」「司機先生！私自放上網公審係犯法架！」
有網民則為男子求情：「師兄，放佢一馬吧，睇佢都唔係壞人，可能係有人教佢咁做，佢都已經得到教訓了！」「人哋好聲好氣，拒絕咗佢咪算，又無鬧你，又無對你唔禮貌，擺人地上網X咩？」
同場加映：人妻「出軌校長」換兒入名校 色慾對話曝光讚「光滑細膩」 老公揭發居然咁答↓↓↓↓
網絡熱傳一名人妻出軌校長的色慾對話截圖，揭發有人妻竟暪著丈夫，以肉體為兒子鋪路入名校，事後人妻老公揭發出軌，本以為人妻這時會無地自容，誰料她居然有令人意料不到的回應，讓人傻眼。
人妻「出軌校長」色慾對話曝光 老公揭發居然咁答↓↓↓↓
詳情瀏覽：人妻「出軌校長」換兒入名校 色慾對話曝光讚「光滑細膩」 老公揭發居然咁答
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
