中年好聲音紅白大戰丨龍婷扮王菲唱《夢中人》 肥媽郭偉亮竟搬謝霆鋒張栢芝上枱
TVB音樂節目《中年好聲音》叫好叫座，節目添食《中年好聲音紅白大戰》在今晚9時30分播出。第一回合由參賽者扮演不同前輩歌手演出，在何博文扮古巨期唱《歡樂今宵》、李佳扮甄妮唱《再度孤獨》後，聲線與王菲極相似的龍婷演唱《夢中人》，完美重現王菲的演出，當龍婷從剪影現身時，即獲得滿場掌聲。之後顏志恆唱許志安的《一加一減你》迎戰。
【相關閱讀】：中年好聲音紅白大戰丨龍婷紅噹噹平口晚裝輕露事業線 同支嚳儀曹敏寶組女團型格露纖腰
【點擊睇龍婷扮王菲】：
不過評審對龍婷的表演似乎並不滿意，伍仲衡直說：「龍婷成首歌最似王菲，就係冇歌詞『啦……』嗰句。」郭偉亮則表示：「我嫌你（龍婷）郁得太多，王菲唱歌唔郁㗎嘛，我都係謝霆鋒啲朋友，我覺得佢聽到你唱歌未必有feel囉。」不過肥媽即刻反駁：「你係謝霆鋒朋友之嘛，又唔係佢！我係張栢芝嘅朋友啊！」第一回合最後由白組勝出。之後一班女參賽者歷年來最受歡迎女歌手的金曲，龍婷亦繼續唱王菲的《容易受傷的女人》。
【其他閱讀】：
吳嘉龍晒合照憶亡父生前點滴 揭吳耀漢曾臥牀揚言「想死」
吳大強由太太囝囝陪同離開急症室報平安 估計現場悶熱暈倒 吳偉豪做孝順仔趕接爸爸
愛回家｜小紅書瘋傳打卡攻略 「熊家」外長樓梯變熱點 長沙灣一地方變朝聖區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
