號稱影相最強？DxOMark 第一？華為 P60 Pro、Mate X3 香港賣價 + Hands On
華為 P60 Pro、Mate X3 香港賣價及上市資訊
華為 P60 Pro 現場 Hands On
華為 Mate X3 現場 Hands On
以為而家好多手機品牌，都已經唔多興 DxOMark，但華為就仍然好 Buy DxOMark，宣佈推出目前 DxOMark 156 分評分第一名嘅 P60 Pro，同場仲有一部摺芒手機 Mate X3，到底兩機香港幾時開賣，建議零售價又係幾多？呢篇文章入面，會同大家講下，呢兩部手機嘅賣價以及上市資訊，並且會同大家分享一下現場嘅 Hands On，睇下文啦！華為 P60 Pro 具有 8GB+256GB 以及 12GB+512GB 兩個容量版本，即日起正式開賣，備有洛可可白及羽砂黑兩種顏色，建議零售價分別為 $7988 以及 $8988。另外，P60 Pro 矽膠保護套 (黑 / 白)、多向支架保護套 (黑 / 白) 以及智能視窗保護套 (白)，亦都即日起有售，建議零售價分別為 $169、$269 以及 $369。至於華為 Mate X3 (12GB+512GB) 同樣即日起香港開賣，備有羽砂黑以及青山黛兩種顏色，建議零售價為 $15988，並具有多向支架保護套 (黑) 以及視窗支架保護套 (黑)，建議零售價分別為 $269 以及 $369。關於華為 P60 Pro 同埋 Mate X3 嘅規格同埋詳細介紹，呢篇文章我就唔詳講，撳以下嘅連結入去 ePrice 手機資料庫，睇返兩部手機嘅規格資料啦：▲ 華為 P60 Pro 具有 6.67 吋 OLED 屏幕。▲ 我比較喜歡的，是雲石色的 P60 Pro。▲ 具有三個後置鏡頭。▲ 機背左下方寫着 HUAWEI 的字樣。▲ 右側會有電源鍵以及音量鍵。▲ 機底是 USB Type C 插槽。▲ 鏡頭還是會有少少凸。▲ 除咗雲石色之外，仲有黑色選擇。你鍾意邊隻色多啲呢？▲ 未打開嗰陣有 6.4 吋 OLED 屏幕，解像度為 2504 x 1080。▲ 機背有三個後置鏡頭，相機用上圓餅狀的設計。▲ 右側會有電源鍵以及音量鍵。▲ 機頂有喇叭。▲ 具有內折轉軸鉸鏈。▲ 機底有 USB Type-C 插槽。▲ 打開後有 7.85 吋，解像度為 2504 x 1080。 睇完 Google Pixel Fold ，又睇返呢部 Mate X3，你又中意呢部 Mate X3 嘅設計嗎？最後，喺發佈會上版主 Keith 都用 P60 Pro 同大家試影咗幾張相，等我都喺度同大家分享一下啦：
Source: ePrice.HK
