九龍城酒樓「飲茶限時1個鐘」 事主嬲爆：點心未齊已被趕
九龍城酒樓「飲茶限時1個鐘」 事主嬲爆：點心未齊已被趕 2023年05月14日14:20 最後更新: 15:38
母親節不少人全家會去飲茶慶祝，九龍城一間酒樓的飲茶規矩近日引發熱議，該酒樓訂明「飲茶限時1個鐘」，就算茶客多亦最多只可飲茶個半鐘，引發網民熱議。
九龍城一間酒樓的飲茶規矩近日引發熱議。該酒樓在門外放置告示，訂明「飲茶限時」的制度。
根據告示，「飲茶限時」分三級。
（一）4位以下，須於1小時交檯。
（二）5至7位，須於1小時15分鐘交檯。
（三）8位以上，須於1小時30分鐘交檯。
事主近日在「香港茶餐廳及美食關注組」FB專頁發帖，批評九龍城一間酒樓所訂規矩「真係好誇張」。
原來規矩訂明4位以下，須於1小時內交檯；就算8位以上，也要在1小時30分鐘內交檯。
- 閱讀更多 -
事主：仲有好多檯就叫我地走 事主指出：「真係好誇張，飲茶要計時就算，一個鐘真係誇張咯，食麥當勞一個鐘差唔多。」 事主又指出：「搞笑係佢地單照加，點心未食就趕人，我地仲唔知發生咩事。」 事主實拍了當時情況，見到涉事酒樓並非繁忙時段，事主指出：「飲茶落單仲要等佢地蒸再擺上台一個鐘真係唔夠咯，平日又唔係假期，仲有好多檯就叫我地走。」 「啲野剛剛嚟都未齊，我哋只係剛開始食，如果假期好多人排隊，我哋一定唔會咁勞氣。」 網民：嘆茶變逼茶 事主對有關酒樓的規矩及服務態度非常不滿：「出面都無人排隊，隔離好多人時間都長過我哋，佢哋又唔趕，見到我哋係三個女仔，唔止語氣差態度都差，唔會再去！」 網民對事件議論紛紛，不少人非議酒樓限時的做法，認為酒樓飲茶限時聞所未聞，「趕客啫！我哋唔做佢食客咪冇事囉。」「上次成家去到門口，一見到個計時紙牌即刻掉頭。」「嘆茶變逼茶，真係官人你要！」 - 閱讀更多 -
往下看更多文章
Source: 巴士的報
