3 香港 SoSIM + 萬能卡升級 5G！3 香港有明確答案
早前網絡有熱議， 3 香港客戶人數重要組成部份 （超過一半）嘅儲值卡，包括以年卡為主嘅 3 萬能卡、超市 SoSIM，突然有一日升級用了 5G 網絡。雖然，速度沒有增加，例如 SoSIM 限速只有 42Mbps，收到 5G Logo 都係 42Mbps 速度，不過，已成為網絡商討論區嘅大事，不少人感到興奮之餘， 更有 YouTuber 出片解釋 。但好景不常，一晚之後，打回原形，4G 卡就只能收 4G 網絡。到底是當晚工程人員按錯掣，定係真係好快有咁嘅一日？今日 3 香港係一個記者會話你知。係今日 3 香港一個記者會中，嚟自 【 Daniel 的科技日誌 】嘅 Daniel 仔 （同時係我哋嘅科技 Podcast 節目「 輕鬆講科技 」嘅主持之一）就直接問了和記電訊香港嘅執行董事兼行政總裁古星輝先生，佢咁回答：
問：4G / SOSIM 嘅客戶，幾時可以用埋 5G 頻譜嘅資源？
答：4G 嘅客戶，只要升級 5G 就自然用到 5G 頻譜嘅資源？SOSIM 在可見將來，都未打算開放 5G 計劃。
似乎 3 香港暫時都係簡單用 4G 及 5G 去劃分客戶，而不會只用上網最高速度，你嗰計劃寫明 4G 就只能用 4G 頻譜嘅資源。當然，大家要知道，香港採用的 NSA 架構網絡，5G 用戶，係同時要兼用 4G 嘅資源就是了。而儲值卡客戶，要等待有 5G 可用嘅一日，似乎仲要再等一下。
Source: ePrice.HK
