地產經紀「怒X」反價業主3分鐘 「我血壓升到115！爆血管你負責！」業主最後咁回應｜Juicy叮
網絡今日(29日)熱傳一段地產經紀「怒X」反價業主近3分鐘的影片，該名火爆經紀透過電話，喪鬧業主一再反價，加完15萬後又再「玩嘢」，對話充滿精驚火爆金句，引來網民熱議。
涉事的地產公司位於大埔，該位經紀全程聲嘶力竭地透過電話狂罵，連同事在旁亦頻頻暗示要為他降火：「斟定杯凍水畀佢。」
地產經紀「怒X」反價業主3分鐘 業主最終咁反應｜足本字幕版↓↓↓↓
從對話中估計，有關業主一再反價，售價已由600萬元，要求加15萬元至615萬元，但最後又再有要求，令該地產經紀非常憤怒：「你同我玩咩呀，依家。」「我哋做agent係咪畀你哋咁玩呀！」「你客人係人，我都係人嚟㗎！」
血壓被激升至115 「我爆血管你負責！」
該火爆地產經紀更自稱剛看完醫生，血壓被客人一激已升到115，「我爆血管係咪你負責呀！」
網民熱議事件，部分網民好奇經紀自稱血壓被激升至115，究竟是否危險水平：「上壓115，健康啦！」「(上壓)115血壓即係無事啦！」根據衞生署資料，上壓低於120屬理想血壓。
但事實上經紀的對話中無明確表示「115血壓」是上壓還是下壓，有網民指出：「下壓115咪大鑊！」根據衞生署資料，下壓超過90或以上屬高血壓。
網民普遍認為業主及地產經紀都各有理據，難言誰是誰非：「(業主)係唔賣，吹咩，犯法？」「業主醒目。」「傻傻地，業主洗理你感受而買賣層幾百萬樓？」「樓價日日升，早賣早享受，遲賣執多球。」
「唔係你財唔入你袋，做得AA（地產經紀）就禮貌啲啦，分下莊閒，業主係玩嘢又點？邊個靠邊個食飯？自己諗。」「（地產經紀）EQ咁低。」
「老實說，業主有原因反價當然可以，但反完一次，幫你傾到，又一次，就算你唔係玩，都當你玩架啦，做生意講信用，做客都要講信用，但身為一個人亦要講信用，除非你自問唔係～我撐經紀。」「個地產X得啱喎。」
同場加映：人妻「出軌校長」換兒入名校 色慾對話曝光讚「光滑細膩」 老公揭發居然咁答↓↓↓↓
網絡熱傳一名人妻出軌校長的色慾對話截圖，揭發有人妻竟暪著丈夫，以肉體為兒子鋪路入名校，事後人妻老公揭發出軌，本以為人妻這時會無地自容，誰料她居然有令人意料不到的回應，讓人傻眼。
人妻「出軌校長」色慾對話曝光 老公揭發居然咁答↓↓↓↓
詳情瀏覽：人妻「出軌校長」換兒入名校 色慾對話曝光讚「光滑細膩」 老公揭發居然咁答
------
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
Source: 星島頭條
