韓國即食麵10大必食推介!網民讚蠔湯濃芝士足 加1物煮麵更彈牙

July 18, 2023
491 views

韓國即食麵10大推介!作為韓國國民美食,韓式即食麵亦深受港人歡迎!然而市面上的韓國公仔麵五花八門,牌子極多,那一款才是最好食?近日有網民出Post推介多款好味韓式即食麵,如芝士麵、新出的蠔湯麵都有上榜!即睇必食推介!

提到韓國即食麵,港人最常聽莫過於辛辣麵,細心留意,其實韓國即食麵有很多牌子及口味,即便麵質都各有特色,辛辣麵僅屬入門級別。今次記者整合了網民心目中的世一韓國即食麵,不知大家又啱唔啱心水?附上煮麵小秘訣,讓大家在家輕鬆煮出地道的韓風口味。

韓國即食麵除了是韓國國民美食,更是繁忙打工族的醫肚良物!(圖片來源:《THE K2》劇照)

網民熱推 必食10大韓國即食麵

韓國即食麵生產商每年都會出產新口味為大眾製造驚喜,早前有網民在討論區中分享的食麵心得,除了經典的芝士味麵、炸醬撈麵及薯仔麵,今年新出的蠔湯海鮮拉麵及辣拉麵都好評如潮!雖然好食,但部分即食麵入貨量少見,很多網民抱怨一麵難求,基本上買到也是撞手神。

即睇網民熱推10大韓國即食麵,排名無分先後 👇 👇 👇

+ 6

1. 不倒翁 - 超濃芝士拉麵

2. 不倒翁 - 真蠔海鮮風味拉麵

3. 三養 - 香辣雞肉味撈麵

4. 農心 - 炸王炸醬撈麵

5. 農心 - 安城湯麵

6. 農心 - 浣熊海鮮烏龍麵

7. 農心 - 薯仔麵

8. 八道 - 一品炸醬撈麵

9. 韓國 - TheMishik 美食匠人辣拉麵

10. 不倒翁 - 金拉麵

市面上有超多韓國即食麵,不知那一款最好食?(資料圖片)

韓國即食麵煮麵秘方加白醋?5招煮出濃鮮香

根據世界即食麵協會(簡稱WINA)的報告,韓國是全球消費即食麵最高的國家。韓國人不但對食即食麵好執著,加入芝士、雞蛋、大蔥、泡菜、年糕、午餐肉,香腸等各式配料去豐富麵食,連煮麵時間、調味粉跟麵餅下水的先後次序都好講究。

1. 550ml法則

即食麵湯底濃度會影響整體口味,建議550ml清水加入一整包調味粉味道剛剛好。

2. 調味粉先投入水中,後放麵餅

韓國人先會在水中倒入調味包,後煮熟麵,提高水的沸點,再入麵條,質地會更好。

3. 加入白醋提鮮

韓國人在煮麵時加入兩茶匙白醋,以酸味增加湯頭的香口鮮濃,醋亦有助麵條更彈牙。

4. 按個人喜好加配料

在即食麵中加入泡菜、洋蔥、大蔥等,加強酸辣度,增加湯頭鮮甜。

5. 麵8分熟時下生雞蛋 冚蓋煮3分鐘

當麵煮到8成熟時,是打雞蛋最好時間,雞蛋完整打在麵條上,蓋上蓋子多煮3分鐘,水煮蛋輕鬆成形,伴麵同食一流。

Source: 香港01