53 折清貨！$2800 有找 8 系 U 10.8 吋 2K 芒華為 MatePad Pro
華為 MatePad Pro (2021) WiFi 10.8 吋呢度買 $2800 有找！
華為 MatePad Pro (2021) 硬件規格
平板電腦，要買貴定平，其實好睇你用途。如果你單純買嚟睇片用，其實真係無必要買貴，早前同大家分享過 $1000 樓下嘅平板電腦選擇，三部都係 Cheap Cheap 機，都係出自酷比魔方手，不過真係勝在平，用嚟畀小朋友或者老人家睇片，其實無乜大要求。今次我同大家分享嘅，係一部性能比較高階嘅 8 系 U 平板，佢就係華為 MatePad Pro，估唔到呢度 $2800 就買到，仲有 10.8 吋 2K 芒，又係咪啱你心水呢？睇下文啦！今次講嘅係華為 MatePad Pro (2021) WiFi 10.8 吋版本，見到 Pro 字，唔講都知呢部平板電腦剛推出嘅時候，定價一定唔平，當時建議零售價 $5288，見到豐澤網店上都顯示，仲有門市清貨，但特價完都仲係要 $3488。但原來 csl eShop 網店，有將呢部平板電腦清貨，$2788 就有交易，呢個價錢我覺得，買部 Pro 版嘅華為平板，都係唔錯，雖然無 Google，但其實用慣當係工作用，都 ok 嘅。規格方面，華為 MatePad Pro (2021) 具有 10.8 吋 IPS 屏幕，解像度為 2560 x 1600，配備 Qualcomm Snapdragon 870 處理器，內置 8GB RAM 以及 256GB ROM，支持最高 256GB NM 卡，電池容量為 7250mAh，並支持 40W 有線快充 (跟機只包 22.5W 火牛，40W 火牛需要另行購買) 以及 27W 無線快充。相機方面，華為 MatePad Pro (2021) 具有 1300 萬像素後置鏡頭，前置鏡頭則為 800 萬像素。另外，因為佢無 Google，所以佢用嘅係自家嘅 HarmonyOS 作業系統。
Source: ePrice.HK
